الكبير كبير...BMW قفلت 2016 صح !!

شيماء عادل


دايما BMW بتهتم بإنها تعكس صورة معينة لنفسها قدام عاشقى هذا الصانع الألمانى، والصراحة هى أحسن حد بيعرف يعمل كده وبينجح فى إنه يعيشك تجربة متنسهاش طول عمرك سواء لو كانت التجربة دى فى عالم العربيات والسواقة أو حتى لو تجربة رياضية مختلفة زى رياضة السيارات وبعض السباقات البحرية..وزى تجربة بطولة BMW للجولف.

من كام يوم شهد منتجع ذا وستن بالقطامية يوم عالمى لختام البطولة رقم 20 من كأس BMW العالمى للجولف، وإللى تأهل فيه الثلاثى عيسي أبو العلا وعماد العريان وأيمان افرا للنهائي العالمي إللى هيطيروا على دبي في مارس 2017 للمنافسة على النهائي.
يوم الختام كان حاجة تشرف بجد، حاجة كده تليق ب BMW وبالفريق المصرى وبالرعاة إللى شاركوا فى إن الحدث يطلع بالشكل دا.

unnamed-8-.jpg

اليوم كان شامل حاجات كتير جدا وفعاليات وترفيه وأنشطة مختلفة، يعنى مكنش مجرد يوم ختامى لبطولة رياضية..لكنه كان أشبه بيوم ترفيهى عائلى للاعبين وأصحابهم وعيلتهم.

فمثلا Gold’s gym كان مهتم إنه يقدم نصائح للحضور فى اللياقة البدنية ونصايح الأكل وNespresso كانت بتعرض قهوتها الشهيرة للجمهور طول فترة متابعة فعاليات البطولة. دا غير العرض الترفيهى والإستعراضى للاعب الجولف الإنجليزي الشهير كيفن كاربنتر اللي أبهر الحاضرين بمهاراته في لعبة الجولف وإللى خلى كتير من الحاضرين يقفوا ويتصورا معاه.

مش بس كده، كمان قدم رعاة البطولة هدايا كتير للفائزين من المجموعات المختلفة، فجاءت المجموعة الأولى للرجال برعاية S.T. Dupont، والمجموعة الثانية برعاية Omega،وجاءت مجموعة السيدات برعاية Temraza، كمان قدم Gold's Gym للمركز الأول من كل مجموعة إشتراكاً سنوياً، وأهدت Ralph Lauren لجميع الفائزين عطرها الجديد Polo Blue..."مش بقولكوا الكبير كبير..."

1412m.jpg

اليوم مخلصش على كده وبس، لكن كمان عرضت BMW مصر لجمهور بطولة الجولف أحدث سياراتها وفي مقدمتهم الفئة السابعة الجديدة واللي تم طرحها مؤخراً بخاصية ركن السيارة بالريموت كنترول، والفئة الخامسة بإضافات M-Sport Package التي تقدم السيارة بشكل رياضي جديد، بالإضافة للسيارات X6 وX5 وX4 وX3.

كما عرضت BMW مصر للمرة الأولي Vision Gate واللي بتخليك قادر تتصور مع أحدث سيارات الصانع الألماني الإختبارية BMW Vision Next 100، مع عدد من تطبيقات الواقع الإفتراضي لإستكشاف السيارة من الداخل بتقنية التصوير ٣٦٠ درجة.

12070761_986650161382385_948054997_n.jpg

2016 كانت مليانة بأخبار كتير حلوة ونجاحات ل BMW مصر، زى إطلاق مجموعة X family وتجميع X4 و X6 فى مصانع مصرية وتكريمهم لأبطال مصر فى دورة الألعاب البارالمبية اللى كانت مقامة في ريو دي جانيرو، وبطولة الجولف العالمية وأخيرا إطلاق الفئة الخامسة بإضافات M-Sport Package...

شكرا BMW على 2016 وإلى اللقاء فى 2017!!


شارك هذا المقال: