الموقع الأزرق .. من أكتر المواقع اللى بيزورها المصريين !

أحمد صلاح

من فترة لفترة بحب دايما ادخل على موقع اليكسا عشان اشوف ايه افضل مواقع فيها ترافيك والناس بتزورهم كتير يمكن الاقى منهم موقع يكون كويس بعيد بقه عن ملل الفيس بوك واننا دلوقتى حاصرين نفسنا بس فى موقع واحد طول النهار عليه بعكس قبل الفيس طبعا كان فيه مواقع كتير كنا دايما متعودين ندخلها . .
والى مايعرفش موقع اليكسا – alexa.com ده تقريبا اكبر موقع فى العالم بيحط كل المواقع الى على شبكة الانترنت بالترتيب بناء على اكثر المواقع زيارة وممكن من جواه تعرف ايه اكتر المواقع زيارة لكل بلد يعنى تشوف ايه اكتر المواقع زيارة فى مصر او السعودية او امريكا او حتى الهند .. وغير كده بيجبلك شوية احصائيات عن المواقع مفيدة ..
فتعالوا اعرفكم عن اكتر المواقع بيزورها المصريين بناء على احصائيات موقع اليكسا فى نوفمبر 2016 واقولكم على شوية مفاجآت اذهلتنى الصراحة ..

unnamed-8-.jpg

الموقع رقم 1- goggle.com

اكثر موقع زيارة فى مصر وتقريبا فى العالم كله بيحتل المركز الاول هو .. أكيد جوجل أهم محرك بحث دلوقتى وكلنا لما بيدور فى دماغنا اى سؤال اول حاجه بنعملها بنسأل جوجل

unnamed.png

الموقع رقم 2 – youtube.com

اكبر موقع فيديوهات فى العالم دلوقتى واكيد اى حد بيفوته اى حلقه من مسلسل او فيلم جديد بيلاقيه على اليوتيوب دا غير ان معظم الاغانى والالبومات الجديدة دلوقتى كل المنتجين بيحطوها على اليوتيوب
ولو انت عايز تعرف بقه المصريين جوه اليويتيوب بيتفرجو على ايه .. او ايه اكتر فيديوهات بتتشاف ... ادخل على اليوتيوب واكتب فى السيرش popular on Egypt

unnamed-1-.png

الموقع رقم 3 – youm7.com

طبعا بعد الثورة وبقه معظم كلامنا فى السياسة فطبيعى جدا لما تلاقى موقع زى اليوم السابع محتل المركز الثالث ومش بس اليوم السابع.. لا دا من المركز الخامس للمركز الـ حداشر برده كلها مواقع اخبارية والـ دايما بنلاقى لينكاتها متشيرة على الفيس وهما بالترتيب : انفراد – البوابة نيوز – الموجز – البلد – قناة اليوم السابع المصورة – الوفد – الدستور

facebook.jpg

الموقع رقم 4 – facebook.com

الفيس محتل المركز الرابع وده بقه جزء من حياة كل واحد فينا .. تصحى من النوم تمسك موبايلك وتشوف الجديد وقبل النوم وعلى القهوة و وانت بتاكل وانت فى المواصلات و وانت فى شغلك ...
وزى ماقولنا بعد الموقع رقم 4 كلها مواقع اخبار والسياسة يجى بعدهم موسوعة ويكبيديا فى المركز 20 و موقع يالا كورة فى المركز 21.. 

الموقع الأزرق إياااه

images.jpg

ملاحظة هنا لازم تتقال .. اخر مره تقريبا دخلت على اليكسا كان من سنه وكام شهر والغريب ان الموقع الازرق - بدون ذكر اسماء- الـ هو تصنيفه "موقع بورنو " كان فى المركز الخامس وانهارده لقيته فى المركز 69 .. ده كويس بس للاسف فيه 3 مواقع تانيه محتلين مراكز مابين الـ 40-50 ... مواقع زى دى فى مراكز زى دى معناها انها بتتشاف .

مش كده وبس تعالو نشوف شوية الاحصائيات دى

تخيل ان مصر المركز الثالث من اكثر الدول الـ شعبها بيفتحوا الموقع الازرق !! ( المركز الاول امريكا والمركز الثانى الهند ) .. اهو ده الـ احنا فالحين فيه 

rrrr.png

 كنت معتقد دايما ان الولاد بس هما الـ قولالاااات الأدب ( 40% من زوار الموقع بنات ) 

fe.png

• أموت واعرف مين الفاجر الـ بيفتح الموقع فى الشغل ده !!!
لا ومش كدا وبس نسبة كبيرة كمان بيفتحوا الموقع وهما فى المدرسة

sc.png

ويجى السؤال هنا هو ليه موقع زى ده ما يتحجبشى من عندنا اصلا ؟؟ زى السعودية مثلا .. طبعا المنع مش حل لان الحكاية حكاية تربية وثقافة واخلاق بس على الاقل مش هنلاقى الاحصائيات المخجلة الـ فوق دى ..وربنا يهدى ..


شارك هذا المقال: