ليه الراجل بيتكسف يقول إن عنده بواسير ؟

فريق راجل. دوت كوم

محدش بيتمنى أبدا انه يتعب ويمرض ، ومفيش اى شماتة فى اى نوع من انواع المرض ، بس لما جينا ندور هل فيه أمراض الناس بتتكيف منها ؟ بيداروها عن الناس لقينا الحقيقة اه فيه .. وأهمهم البواسير !

البواسير من غير فتى طبى كبير وكلام كتير هى تضخمات بتحصل جوة الامعاء والاوردة فى القناة الشرجية بتسبب ألم كبير للى بيعانى منها وحلها تدخل جراحى بسيط ... وليها طبعا اعراض واسباب كتير جدا ولكن ده مش موضوعنا !

sacrococcygeum-fistula.jpg

هل انت الوحيد فى العالم اللى بيجيله بواسير وبيحس بالوجع فى المنطقة دى علشان تتكسف تقول انك هتعمل عملية بواسير ؟ أكيد لأ

هل ده مرض بييجى لا سمح الله من ممارسات عيب ومتصحش علشان كده بتخاف تتفهم غلط ؟ أكيد لأ

bwaser.gif

هل اللى هيضحك عليك فى مرضك ده مش هيبقا معرض انه يحصله نفس اللى حصلك فى نفس المنطقة ؟ مهى مبتجيش غير فىها على فكرة !

هل ده شئ هينتقص من رجولتك ويقلل من هيبتك لو قلت للناس انا هعمل عملية بواسير ياجماعة ؟ انت اكيد عديت على اختبارات الجيش والكليات المختلفة وياما وطيت عادى ! دى حاجات بتحصل للكل يعنى !

قلنا إيه اغرب حجة اتحجج بيها حد تعرفه انه يهرب وميقلش انه بيعمل عملية للبواسير .. ومن وجهة نظرك ليه الناس بتتكسف تقول ؟


شارك هذا المقال: