14 سلعة هتشد شعرك لما تعرف سعرها الجديد !

أحمد صلاح

بعد تعويم الجنيه والاسعار بقت فى حته تانيه خالص وكلنا عارفين ان الوضع بقا صعب والاسعار بقت اشبه بالبورصه كل يوم الحاجه اللى انت رايح تشتريها بقت بسعر وبتتغير يوم ورا يوم وللاسف كلنا بقينا نحس بموضوع الاسعار ده مش بس الفقير .. لا والغنى كمان لان زياده الاسعار دى مش بس فى الاكل والشرب والاحتياجات الاساسية دى كمان وصلت لكل السلع وخاصه السلع الترفيهيه واللى بتسميها الحكومه السلع الاستفزازية ودى زودوا الضرايب عليها وبقه سعرها مبالغ فيه اوى ..

يعنى مثلا لو انت لسه ماتجوزتش وعايز تشطب شقتك فاكيد بتبقى متابع اسعار الاسمنت والدهان والسيراميك والبورسلين وكل يوم تروح تسأل على الاسعار ويقولك مثلا شقتك دى هاتتشطب بـ 50 ألف تقوم رايح ومدبر الفلوس وتبدأ تروح تشترى تلاقى ان الاسعار اتغيرت تماما وان شقتك هتحتاج 70 ألف ..

تعالو نشوف مع بعض بقا ايه اكتر الأسعار الـ اتصدم منها الناس

الغسالة الـ جى

unnamed-9-.jpg

كانت بـ 3000 جنيه دلوقتى سعرها وصل 8500 جنيه

ومش بس الغساله تقريبا الاجهزه الكهربائية المستورده سعرها طار

صابونة دوف

unnamed.jpg
كانت بـ 6 جنيه ودلوقتى بـ 16 جنيه

الجواكت

unnamed-10-.jpg

الجاكت فى الشتا الـ فات كنت ممكن تجيب واحد كويس بـ 500-600 جنيه وكنا بنقول غالى السنه دى الجاكت المحترم مش هيقل عن 1000 جنيه

الكيندر

unnamed-13-.jpg
الشيكولاته الكيندر كانت بـ 10 جنيه وكان حلم اى طفل ان ابوه او امه يجبهاله دلوقتى بقت بـ 17 جنيه يعنى ممكن يجيبها كل عيد

السيزوكى التو

unnamed-11-.jpg

العربيه الـ كنا دايما بنبصلها انها اقل عربيه ممكن تجيبها عشان ترحم نفسك من الموصلات كانت بـ 60 ألف دلوقتى ماشاء الله 110 ألف

النسكافيه

unnamed-8-.jpg

البرطمان كان بـ 17 جنيه دلوقتى بقه بـ 34 جنيه

اسعار الموبيلات

unnamed-4-.jpg

لو عايز تشترى موبايل الحق اجرى انزل اشتريها وماتستناش بعد ماتقرى المقال يعنى ايه موبايل النوت 4 كان بـ 4400 جنيه يبقى دلوقتى ب6700 جنيه ؟!! ومش من فتره كبيرة

وموبايل هواواى جى8 كان بـ 2800 من 8 شهور دلوقتى بـ 5200 جنيه !!!

النوتيلا

BDslaYce.jpg

كانت بـ 70 جنيه دلوقتى بقت بـ 130 جنيه ! يعنى كدا بقت حرام شرعا

الدهب

unnamed-12-.jpg

جرام الدهب الـ 21 انهارده ب 630 جنيه وكان من سنه تقريبا 290 جنيه !!

الطعمية

unnamed-3-.jpg

دلوقتى الـ 3 طعميات بـجنيه ياخونا والطعميه حجمها مايتشفشى وطبعا دا بيختلف من مكان لمكان لان فى جاردن سيتى الطعمية الواحده بجنيه

تصوير الورق

unnamed-2-.jpg

كنا بنصور بـ 5 قروش الورقه دلوقتى الورقه بـ 1 جنيه

بطاريه الـ انيرجيزر

unnamed-7-.jpg

الحجرين بقوا بـ 20 جنيه من 7 جنيه !

البامبرز

unnamed-5-.jpg

ودى مشكله اى بيت فيه اطفال لان الزياده فيه مش طبيعيه
من 75 جنيه العبوة لـ 140 جنيه

المحلول الملحى

unnamed-1-.jpg

وده كل الدكاتره عارفينه وده كان ارخص حاجه فى الدوا وكان الكيس بـ 3.5 جنيه دلوقتى لو لقيته هتلاقيه بـ 50 جنيه

بعد ماشوفت الاسعار الـ فوق دى اكيد بتشكر ربنا لو انت اشتريت الحاجات دى من زمان وانها عندك ولازم تحافظ عليها وتاخدها فى حضنك وانت نايم عشان اكيد لو مش معاك مش هاتعرف تجيبها دلوقتى بالساهل


شارك هذا المقال: