تختار عروسة من على ابلكيشن ؟ حلال يامعلم !

فريق راجل. دوت كوم


تسمع عن أبلكيشن اسمه Tinder ؟

Tinder-Instagram-integration.png

ده بقا ياسيدى أبلكيشن بيدخل عليه البنات والولاد السناجل علشان يرتبطو من خلاله .. كل واحد والدماغ والشكل اللى بيحبها ... بيقرب السناجل من بعض وبيرشحلك شريكك من خلال قربكم من بعض فى السكن او الشغل او الافكار .. وبضغطة واحده شكال او يمين تحدد اذا كنتوا ممكن تتكلموا ولا لا ... وبيسمح بكل أنواع الإهتمامات لامؤاخذة – الجنسية – لكل الناس ... كل ده من غير تجاوز ومن غير صور .. هو بس بيوفق راسين وهم يختارو اذا كان هيكملوا فى الحلال ولا هيــ fun ..

نفس الفكرة بتاعت الخاطبة هى فكرة الابلكيشن ده ... ولكن فيه أبلكيشن تانى نقدر نقول عنه انه هو النسخة - الحلال – من ابلكيشن Tinder .. وهو sila ..

18342578_1339396652813686_1731103629025009319_n.png

انتشر برضو ولكن بيقرب الناس من بعض بغرض الجواز ... والفيديو اللى معمول بيه دعاية الابلكيشن بيصور قد ايه معاناة البنت وهى قاعده فى صالون بيتهم والعرسان بيتفرجوا عليها ... فقرروا يوفروا ابلكيشن يتيح انهم يتقرجوا عليها برضو بس مش وجها لوجه ... ولو تمام نوفق بقا فى الحلال !

السؤال هنا ان جواز الصالونات تقريبا ابتدا ينقرض من زمان وكل واحد بيختار شريك حياته .. فالتكنولوجيا لما تطور فى المجال ده بدل ماتلغيه خالص ... تخليه مجرد ابلكيشن ؟!

انت كــ راجل تقدر تدخل وتنقى عروسة من على البلكيشن ولا لأ ؟


شارك هذا المقال: