علامات غيرة شريكة حياتك من الــ Gym

دينا حشيش

الواحد على قد ما بيبقى مكسل على فرهدة الرياضة، بس أول ما بيبدأ يحس بفرق وكلنا ننبهر بتغييرات جسمه والباى والتراى، خلاص بيحصل بوند وبتتكون علاقة مقدسة بين الرجل والجيم.

unnamed-3-.png

على قد ما الست اللي في حياتك بتكون فخورة بالتغيير والاهتمام المفاجئ في شكلك، للأسف بعض الستات بيتحول الجيم عندهم الى ضرة بتغير منه لسببين. :

يا إما هي نفسها تروح زيك بس قعدتها بالعيال أو لخمة الشغل مش مدياها فرصة فهتقولك إشمعنا، أو مكسله ومجهودك تاعبها. وعلشان إحنا عايزين نساعدك، دي شوية علامات تاخد بالك منها قبل ما تقلبك علي الجيم.

بتطلعلك بأى مشوار

عمرك ما أخدت بالك إن كل ما تيجي نازل الجيم تحاول حبيبتك تغريك بأى مشوار غريب؟ فجأة أنتيميتها اللي مشفتهاش من التسعينات رجعت مصر، مامتك بالصدفة كلمتها وعايزة تنزل تتعرف عليها أكتر، أو الفيلم اللي في السينما بقاله شهر هيتشال لو ماراحتهوش حالا، وهكذا. دي حضرتك كلها ألاعيب علشان تكسل زينا ومتروحش في حته، لأن مرواحك الجيم ما هو إلا تأنيب ضمير لينا.

unnamed-2-.png


بتحلي الأكل والأنتخة في عينك

البنت الي بتحبها ممكن تكون بقالها ٦ سنين عامله ريجيم، بس تحس إنك هتهتم بجسمك، الأكل يحلو في عينها وعينك. ساعات تقولك "إيه يا حبيبي إنت مش تعبان؟ ريح النهارده. مش لازم جيم. إنت بتتعب أوي. بص هى أكيد مهتمه بيك وبتعبك، بس إحتمال كبير تكون مش قادرة تواجه تقصيرها مع الرياضة من خلالك أكتر من كدة.

bad-eating-habits.jpg

تبدأ تشتكي من الوقت الضايع في الجيم

"إنت سايبني مع العيال ومقضيها في الجيم."، " إنت علطول عايز تنام علشان تعبان من الجيم."، " ليه هنضيع الويكند وإنت قاعد في الجيم؟"، "طبعا بنتخانق لأن مبتعملش أي مشاوير معايا وقاعد ليل نهار في الجيم."، وإنت أصلا بتروح مرة في الإسبوع مدتها نص ساعة. هتفضل ست كل تعمل كدة لغاية أما تكره الرياضة، والعضلات، والبروتين.

build-muscle.jpg

هتحسسك إن مجهودك مش جايب نتيجة

متفكرش تسألها أذا كنت خسيت أو عضلاتك باينه، لأن الإجابة دايما هتكون لأ.

903.jpg

ياترى إيه أكتر جملة من دول بتتقالك من شريكة حياتك ؟


شارك هذا المقال: