لو زهقت من شكل موبايلك، فيه Android Launchers

عمرو موسى

من أحسن الحاجات في أندرويد قد إيه هو سوفتوير مرن، يعني بسهولة بتعرف تغير مكان أي حاجة توديها أي حتة، أو تغير ترتيب أو مثلًا شكل أي حاجة في الـHome Screen، ده يعتبر عيب لبعض الناس علشان بياخدوا فترة كبيرة علي ما يتعودوا إزاي يستخدموه بس علي الجانب الآخر بيبقى فيه كذا أوبشن مختلف لو زهقت من شكل موبايلك التقليدي، موجود علي الـPlay Store كذا Launcher بيقدموا أشكال مختلفة من خلفيات و Icons وحاجات تانية لتغيير شكل الـDefault Interface  بتاع أندرويد، كمان بعض الـLaunchers بيقدموا مميزات جديدة مش موجودة. حاولت أختار منهم أهم  5 وإيه أهم مميزات كل واحد:

Nova

Nova.pngمصدر الصورة: play.google.com

يعتبر أكتر وأشهر Launcher معموله داونلود من الـPlay Store  وده عشان بيتميز بأشكال وAnimations مختلفة كتيرة. أهم ميزة فيه إنه بيقدم شكل الماتريال ديزاين الخاص بـ Android Lollipop اللي لسة موصلش لكل الأجهزة، فبيخليك تقدر تستخدمه لو لسة ماوصلكش الأبديت:

لينك البرنامج على Play Store

https://play.google.com/store/apps/details?id=com.teslacoilsw.launcher&hl=en 

Google Now

الـLauncher الخاص بجوجل وشكله قريب جدًا من شكل الـStock Android اللي نازل في أجهزة Nexus. أهم مميزاته Google Cards اللي ممكن تختار تعرض فيها حالة الطقس، ونتايج ماتشات فريقك أو أي معلومات مهمة بالنسبة لك. وفيه ميزة مفيدة كمان وهي شريط البحث اللي موجود في الـHome Screen واللي بيتيح عملية بحث أسرع. آخر ميزة هي الإدخال الصوتي وهي ببساطة إنك بتقول "Ok Google" بعد كده بتقول أي أمر زي مثلًا إنك تبعت رسالة أو تعمل بحث علي حاجة معينة والموبايل بينفذها لك: 

لينك البرنامج علي Play Store

 https://play.google.com/store/apps/details?id=com.google.android.launcher&hl=en 

Yahoo Aviate

الـLauncher الخاص بـYahoo. أهم ميزتين فيه هما الـAuto Categorize للبرامج اللي علي الموبايل علشان ساعات دي بتبقى مشكلة بتقابل الناس اللي عندها برامج كتير إنهم يلاقوا البرنامج اللي عايزينه بسرعة. Yahoo Aviate بيقسم البرامج لمثلًا Social وGoogle Services  وGames. تاني ميزة هي إمكانية عرض نشرة أخبار سريعة فيها أهم الأخبار اللي حصلت في اليوم من علي الموقع الرئيسي لـYahoo

لينك البرنامج علي Play Store

 https://play.google.com/store/apps/details?id=com.tul.aviate&hl=en 

EverythingMe 

everything.jpgمصدر الصورة: www.youtube.com

فكرة الـLauncher ببساطة انه بيحاول يحط كل حاجة ممكن تحتاجها في الـHome Screen بشكل منظم وده بيخليك تعمل أي حاجة انت عايزها علي اللي الموبايل من نفس المكان بشكل أسرع من غير ما تدوّر في صفحات تانية. كمان فيه ميزة التنبأ انت هتحتاج إيه إمتى، يعني مثلًا الصبح ممكن يحط لك لينكات لمواقع الأخبار المفضلة ليك، وفي أوقات الشغل يحط البرامج اللي بتستخدمها وانت بتشتغل وهكذا. فكرة الـLauncher غريبة شوية بس عن تجربة لما بتتعود عليه (وهو كمان بيتعود عليك) بيسهل عليك كتير استخدام الموبايل

لينك البرنامج علي Play Store 

https://play.google.com/store/apps/details?id=me.everything.launcher&hl=en


شارك هذا المقال: