بعد البط والمحشي .. أكلات مصرية تنفع لتهريب الفلوس !

فريق راجل. دوت كوم
شارك هذا المقال:


كل فترة كدة نكتشف عبقرية المصريين فى طريقة تهريب الفلوس سواء المصري أو الدولار لخارج مصر ...والحقيقة كل دول العالم بيبقا فيها طرق تهريب معروفة أحياناً ومبتكرة فى أحيان أخرى بس المصريين أساتذة فى منطقة معينة فى التهريب ...وهى التهريب عبر الأكل !

البط المحشي ملايين !

طبعاً البط من أكتر الأصناف حضوراً على مائدة الطعام المصرية ولكن شفنا المواطن المصرى المبتكر اللى قرر يحشي البط فلوس بدل الرز أو الفريك أو حتى البصل ولكن الحس الأمني شك فى الموضوع ... أصل مش طبيعي خالص واحد مسافر الكويت ومعاه 40 بطاية ! ده لو هيعزم دولة الكويت كلها !

-.jpg

المحشي ... المحشي دولارات

من سنتين كده مواطن مصري آخر مبتكر قرر يحشي المحشي بالدولارات وعمل حلة محشي أخضر يستاهل بق اول موظف صرافه ... وكان مسافر لدولة قطر ولكن حاسة شم سلطات المطار مقدرتش تتعرف على ريحة المحشي اللى كان يفتقد للخلطة المصرية المميزة فشكوا فى الأمر وفتحوا الحلة المغلفه بالفويل ولقوا 45 الف دولار !

4201617192413454420161719121326797722.jpg

إحنا بقا على سبيل التسهيل على المواطنين المبتكرين اللى عايزين يهربوا فلوس برة مصر هنقترح عليكم شوية أصناف معتبرة ...أهو منها نوفر عليكم التفكير ، ومنها نغذى سلطات الأمن وننوعلهم الاصناف لما يكتشفوها !

كفتة دولار باشا !

وانت بتصبع الكفتة ممكن تسيب فيها تجويف – خرم لامؤاخذة – من فوق كده وبعد ماتشويها
احشيها اورقة الدولار .. ودى حسب رغبتك بقا ورقة ب 200 ورقة ب 100 أنت وقدرتك ..

koftet-el-7aty_1395412298.jpg

وبعد ماتحط الدولار ممكن تسد صباع الكفتة بشوية شبت على بقدونس قال يعنى علشان المنظر الجمالى !

طاجن حمام باليورو

ليه العقلية المصرية المبتكرة مدخلتش الطواجن مجال التهريب حتى الآن ؟
رغم ان الطواجن من أشهر الاصناف المصرية حفاظا على الخصوصية واي حد هيفكر مليون مرة قبل مايحاول يفتش جوة طاجن ! يمكن علشان الطواجن معظمها بيحتوى على مواد سائلة ومسبكة هتلغوص الفلوس ؟
بس عزيزى المهرب سمعت قبل كده عن طاجن الحمام بالفريك ؟

hamamama.jpg

الطاجن ده بيديلك اوبشنين ... واحد انك تحشي الحمام نفسه الفلوس وتدفنه جوة الفريك فهيبقا صعب اوى اللى بيفتشك يدخل مرحلة فض بطن الحماماية ده اذا عدي حتى مرحلة الفريك المفلفل اللذيذ ... والاوبشن التاني انك تحط الفلوس فى اكياس بلاستيك صغيرة وتدفنها تحت الحمامايه متخفية وسط الفريك ... جربها بسيطة ولذيذة والله !

انت كمان ساعدنا فى إيجاد أصناف أخرى ممكن تساعد اخوك المهرب المصرى !