تعمل إيه فى أول مقابلة مع أهل العروسة ؟

أحمد سامي

مقابلة أهل العروسة , من أهم المقابلات الرخمة اللي بيمر بيها أي شاب , سواء هاتتجوز عن حب أو صالونات , في شوية حاجات كده لازم تاخد بالك منها :

مبدئيا كده حماك ...

large-925645073014461724.jpg

سياسيا :

لازم تعرف من العروسة توجهات حماك السياسية إيه ...

فلول : يبقى تنسى إنك في يوم نزلت مظاهرة .. ولو شاف صور ليك في مظاهرات لازم تبينله ندمك الشديد وإنك سعيد إنك بقيت فلول زيه
ثورجي : يبقى تشوفلك أي مظاهرة قبل المقابلة عشان تعرف تحلف إنك لسة من يومين كنت في مظاهرة ... ويا حبذا لو خدتلك واحدة مسيلة للدموع

اقتصاديا :

- حماك لازم يطمن على بنته ... فـيا ريت احلامك الوردية إن إنت تفتح cafe أو محل play station تأجيلها شوية لحد ما تضمن الجوازة ..
- لازم تبان إنك شاب طموح ... وعندك خطة ل 80 سنة قدام

20140914-140426432123655.jpg

- إنت مش بخيل ... ومش مسرف .... اتصرف بقى ... لازم تبقى شاب عنده المقدرة إنه يحوش ...بس مش بخيل عشان كل التحويش ده عشان العروسة ;)
- يبقى جميل لو تحكي عن انجازاتك في الشغل ... عشان يطمنوا على مستقبل بنتهم ... كونك قضيت الصيف في مارينا ديه معلومة ملهاش أي تلاتة لازمة

عاطفيا:
" والمصحف أنا أول مرة أشوف البت ده يا عمِّي ... ولا اعرفها "
أيوه ... إنت عمرك ماخرجت معاها ... وقليل لما اتكلمتوا أصلا ... لو هاتحكيلوا عن مغامراتكو سوا لما كنتم ماانتميين هـيبقى يومك اسود .... ويومها كمان ...

حماتك :

tumblr_mijf153qrK1qmmk9jo1_500.gif

بص بقي ... حماك ده حمادة ... وحماتك حمادة تاني خالص ... اعرف كده لو حماتك راضية عنك الجوازة ده هتبقى لوز ... لو مش راضية عنك الجوازة مش هتكمل ولو كملت هتبقى ليلتك مطينة بطين

تعرف من عروستك حماتك بتحب إيه وتجيب أنضف نوع وتدخلها بيه وتديهلها شخصيا مع ابتسامة " ده ليكي يا طنط "

أي حاجة تقول عليها كلامها يمشي ... ولو اختلفتو " والله يا طنط عشان خاطرك بس " ...

لازم تدي طنط برستيجها .... ماتفضلش تتكلم مع حماك وتنفضلها ...

حديث صغير عن ازاي ساعات كنت بتساعد مامتك هيبقي مفيد جدا عشان هي هتطمن إنك هتساعد بنتها

أخت العروسة :

BvcqT1_IcAAsLGm.jpg

لو مش متجوزة : جبلها عريس ...

لو متجوزة : انظر الجزء الخاص بحماتك

أخو العروسة :

1280x720-9On.jpg

اكسب الواد ده عشان هينفعك كتير بعد كده ... صاحبه ... اتكلم معاه في العربيات... الكورة ...

- كدة كدة هيتكتب عليك مؤخر في كتب الكتاب فخدها من قصيرها و متفاصلش الا لو ناوي تطلق بقى

لو حماتك زي ماري منيب خدها من قاصرها و اخلع من الجوازة مفيش امل-

أول ماتسمع كلمة "يابني احنا بنشتري راجل" .... اعرف إنك الحمدلله .... لبست .... مبروك يا برنز


شارك هذا المقال: