10 أنواع للبنات بعد الفركشة .. قابلت مين فيهم ؟

ساره وفير

التظبيط حلو مفيش كلام بس مننكرش برضه ان البنت المصرية بتتميز بعادات و تقاليد بعد الفركشة لازم تعملها كأنه اسلوب حياة .. مش عارفين البنات مولودين كدة ولا ده اسمه شغل جنان ؟!

المهم هي بطيخة مقفولة و كلو بيبان بعد الفركشة و انت و حظك يا طلعت عاقلة ياطلعت مجنونة...

- اول نوع: الـ Drama Queen

drama-qween.jpg

صاحبتها سنة؛ 6 شهور؛ 5 أيام و قررت تسيبها هتعد تندب حظها مش أقل من 7 أو 8 شهور قدام. صاحيين نايميين في نكد مستمر و سب و لعن و دعا عليك مع تأكيد مستمر لنفسها و من اللي حواليها انها تستاهل احسن منك و انك مقدرتش الجوهرة اللي ف إيدك يا واطي.

- تاني نوع: السوشيال ميديا

b70b6621-dba5-445d-ae5d-c3654015861d.png

مش هتعمل اي حاجة في حياتها بعد ماتسيبها غير انها تراقبك طول النهار- شغل FBI محترف لكل تحركاتك و لايكاتك و كومنتاتك ويا ويلك و سواد ليلك لو عملت share لاي حاجة ... هتعمل قعدة عرب مع الاصدقاء المقربين و غير مقربين تدرس فيها اسباب الـshare ده ايه و علي اساسه هتعرف ان كنت مجروح و عايش في عذاب من بعديها ولا مصدقت خلصت منها.

- تالت نوع: التلقيح بالكلام

7666-imgcache.jpg

طبعا بعد متراقبك و تعرف مواعيدك امتي بتبقي online و كدة .. بتستخدم الـ status بتاعتها عشان توصلك الكلام اللي هي عايزة تقولهولك في وشك بس مش عارفة. تلقيح بالكلام و ردح انك طلعت زبالة و واطي و انك مش حاسس بجرحها عشان البعيد مبيحسش. التلقيح و الردح مش هيبقي منها لوحدها .. "دي هتلقح و تجيب ناس تلقح" من اول قرايبها من الدرجة الاولي لحد البواب.
طبعا مش هننسي ان كل التلقيح ليه مستند من أغاني الست العظيمة "شيرين" غالبا من أغنية "ماتحاسبنيش" أو اغنية "متأخدة من أيام و خايفة تشوف خلقتك صدفة"

- رابع نوع: دايرة المعارف (او شلة الانس)

2014_7_26_16_54_22_650.jpeg

بعد الفركشة دايرة معارفها بتبقي محرمة عليك ليوم الدين علي اساس انهم صحاب جدعان و فورمة و شخصية. نظرات من فوق لتحت لو اتشميت في مكان هما فيه؛ تمد ايدك تسلم ممكن عادي وقتها يقولولك بطلنا نسلم؛ و كل قاعدة ليهم سوا هتتجاب سيرتك و تتقطع فروتك و جو رخيص و هكذا.

- خامس نوع: لفت النظر (انت المقصود مش هي)

5_8.jpg

اي خطوة بتعملها في حياتك من بعديها و مهما ان كانت نيتك لازم تطلع انك قاصد تلفت انتباها. روحت مكان هي موجودة فيه بالصدفة يبقي جيت عشان تشوفها .. مروحتش يبقي مجروح و مش قادر تشوفها.

لبست بوكسر فوق البنطلون زي سوبر مان يبقي قصدك حاجة؛ فلقت شعرك من النص برضه في حاجة .. اي حاجة مش مهم اية هي المهم هتتاخد بمعني انك قاصد تلفت انتباها.

- سادس نوع: مكالامات سطحية ملهاش لازمة:

a6aaa19e3-1.jpg

او ممكن تقول عليها "بتحكها" .. نسيت الشراب بتاعها معاك؛ قلم الروج وقع منها عندك؛ الجاكيت من الحاجات اللي لازم تتنسي عن عمد حتي لو هي شايفاه و عارفة انو أخر يوم ليكوا سوا. وسيلة منها انها تشوفك و ترجع المية لمجاريها. طبعا لما هتيجي تحكها معاك لازم تسمعك بوء "عمري ماكنت اتخيل يحصل كدة مابيننا" مع دمعة واحدة هتلاقيها نازلة من عينها اليمين.

- سابع نوع: أمنا الغولة

317.jpg

بتتحول لبني أدم براس أسد محدش اداله لحمة من شهرين عشان اكيد محروقة منك. في الغالب هتولع فيك لو شافتك صدفة. حاول تختفي من قدامها لحد ما تهدي و ترجع لطبيعتها.

- النوع التامن: New Look

mamoon-5-.jpg

هتعمل اي حاجة في خلقتها كنوع من انواع التجميل لإمتصاص الصدمة اللي هي فيها .. قص شعر؛ تلوين شعر؛ تشيل شعرها خاص المهم هتلعب في اي حاجة. طبعا انت لازم تعرف انها غيرت حاجة في نفسها فتلاقيها كاتبالك في اي حتة البوء ده:
“A woman who cuts her hair is about to change her life”
عشان تفهمك انك ولا فارق معاها وبالجزمة القديمة و انها احلوت بعد ما كنت طابق علي نفسها.

- تاسع نوع: خيال علمي

The-Chord_13.jpg

مقدرة علي التأليف عالية جدا في سرد الحكاوي اللي كانت بتحصل بينكوا عشان يطلع منظرك زبالة و انك ضحكت عليها و كل ده هتلاقية مصحوب بشوية دموع تماسيح عشان تصعب علي اللي حواليها من شلة الانس.

- أخر نوع: الهدايا و الصور

719.jpg


جبت أصلي جبت مضروب هتطلع عره كدة كدة و عن عمد هتجيب كل الصور اللي فيها ذكرياتكوا الزبالة و لمؤاخذة هتقطعك منها عشان توصل للناس اللي حواليها انه يستاهل يتقطع (انت طبعا مش حاجة تانية)

*** البنات زعلها وحش خدوها نصيحة مني .. و عمرها ما هتوصل لمرحلة ان الموضوع كله كان قسمة و نصيب ؛ انسي يا معلم الكلام ده. في جميع الاحوال هتطلع جرحتها و ظلمتها و ابن 60 X 70 ... هي كبنت هتعد تحلل و تدرس و تحضر في سيناريوهات التصعيد و تفكر انت ازاي

وليه سبتها ؟؟؟ فيما يكون انت كراجل في الوقت ده قاعد مع صحابك علي القهوة تشد حجرين و نسيت اساسا هي مين أو ايه اللي حصل بمنتهي البرود و هدوء الاعصاب

- التظبيط يا جماعة ما هو الا عملية بنجرب فيها اذا كان ينفع نكمل مع بعض سوا ولا لأ بس مش نهاية العالم و الدنيا مش بتقف علي حد و انت برضه افتكر ان دخول الحمام مش زي خروجه و ان كيدهن عظيم 

كل قاعدة و ليها شواذ .. "لو فركشت مع بنت و معملتش كل اللي انا قلته فوق ده ... كلمها فورا و إرجعلها"


شارك هذا المقال: