أفلام بعدت عن " حرب كرموز " ..واتأجلت

أحمد صلاح

ناس كتير كانت مستنيه عيد الفطر دا عشان كان المفروض يكون فيه افلام لنجوم كبيره بس للاسف اتأجلت لموسم عيد الاضحى ومنهم لسه مانعرفشى هاتتعرض امتي بالظبط  .. ودا كان بسبب انشغال معظم النجوم فى اعمال رمضان

زى ايه ؟

البدله

BADD.jpg


بطوله تامر حسنى واكرم حسنى وأمينه خليل كان المفروض ان هيتم طرحه فى موسم عيد الفطر بس لانشغال اكرم حسنى فى تصوير مسلسل الوصيه وأمينه خليل فى مسلسل ليالى اوجينى تم تأجيل الفيلم
والفيلم قصه تامر حسنى وسيناريو ايمن بهجت قمر واخراج ماندو العدل

ودا جزء من الكواليس

الديزل
41313_large.jpg

بطوله محمد رمضان وفتحى عبد الوهاب وياسمين صبرى الفيلم انتاج احمد السبكى واخراج كريم السبكى
وبيجسد رمضان فيه دور " بدر الديزل " الدوبلير الفيلم من نوعيه الاثاره والاكشن

تراب الماس
3479316-1714280250.jpg
بطوله اسر ياسين ومنه شلبى وماجد الكدوانى وخالد الصاوى وتم تأجيله بعد ما كان المفروض المعاد النهائى هو موسم عيد الفطر بس صناع الفيلم اخدو القرار النهائى فى اخر اسبوع فى رمضان
الفيلم عن قصه تراب الماس لأحمد مراد وكان المفترض ان النجم احمد حلمى هو اللى هيقوم بدور البطوله

بنى ادم
2018_4_6_23_7_2_138.jpg

بطوله يوسف الشريف اللى وعد جمهوره اللى كان بيستنى كل رمضان مسلسله اللى بيكون من نوعيه الاثاره والتشويق انه ينزل بالفيلم فى عيد الفطر ولكن تم تأجيله لموسم عيد الاضحى .. تأليف عمرو سمير عاطف واخراج احمد نادر جلال وهتشاركه فى البطوله دينا الشربينى

 ياترى اي فيلم من دول كنت مستنيهم وزعلت لما عرفت انه اتأجل ؟




شارك هذا المقال: