خمس أبراج الرجالة بتاعتهم الأكثر جاذبية للستات

شيماء عادل

رجل العقرب "ساحر النساء"

راجل برج العقرب من أكتر الأبراج إللى بتشد البنات على الرغم من إنه بيبان غامض ومش مفهوم أوى ليها وكمان يمكن يكون دا أكتر برج معروف عنه إنه غدار وبتاع بنات، بس صفات ومميزات البرج دا بتقدر تخليه ساحر للنساء. هذا الرجل بتكون له جاذبية كده مش مفهومة وبيعتبر من أكتر الشخصيات إثارة وغموضه بيخليه يلفت إنتباه إللى حواليه، كمان العقرب مش بيركز أوى فى الحاجات السطحية لكن بيهتم جدا بالمضمون ودايما بيسأل أسئلة عميقة كده علشان يطلع إللى جوه أى بنت. وزى ما قولنا إنه ممكن يكون بتاع بنات إلا أنه لما بيطب ويقع بيحب بجد وبيكون مستعد إنه يعمل أى حاجة علشان إللى بيحبها وعلشان كده لما بيتجرح مرة بيفقد الثقة على طول وبيكون صعب أو مستحيل إن ثقته ترجع تانى. أهم نصيحة للبرج دا هو إنك تحاول متخبيش مشاعرك أوى كده علشان دى الحاجة إللى هتخسرك كتير.

1.jpg

برج الثور "بتاع الهدايا والدباديب"

بيبان إنه روتينى وممل شوية وتحركاته بطيئة إلا إنه لما بيلاقى حاجة تشده بجد بيكون عامل زى الثور إللى بيهاجم المصارع. عادة رجالة البرج دا بيكونوا ماديين فى كل حاجة يعنى بيحبوا المادة والحاجات المادية، لما يجى يظهر حبه يحب يظهره بالماديات مش الأحاسيس والمكنونات والحاجات دى يعنى تلاقيه بيحب جدا يشترى الهدايا وكمان يحب إن إللى قدامه يظهرله حبه بنفس الطريقة. مادى كمان فى رومانسيته زى إنه بيحب الأشياء الملومسة وبيعتمد على حاسة اللمس بشكل كبير. شخص يعتمد عليه جدا وبيحسس أى بنت بأمان فظيع ودى من الحاجات إللى بتخلى شخصيته مميزة، كمان مزاجه مش متقلب وكل شوية مع واحدة هو يمكن ياخد وقت طويل فى عملية التدوير على نصه التانى لكن بيكون عارف هو عايز إبه بالظبط وأول ما يلاقيها بياخد خطوة الإرتباط بشكل رسمى أو الجواز بسرعة ودى كمان حاجة من إللى بتحسس أى بنت إنه مش بيلعب بيها. أهم حاجة لرجل الثور إنه يحاول يمسك نفسه ويهدى أعصابه شوية لما يتضايق لأنه بيتصرف بإنفعال ممكن يخسره كل حاجة.

unnamed.jpg


برج الأسد "الملك"

طبعا مش محتاجين نشرح كتير ونتكلم عن إد إيه الراجل دا بيحب السيطرة والتحكم وبيعرف ياكل الجو فى أى قاعدة لأنه له هيبة رهيبة كده بتخليه يسيطر وثقته العالية بنفسه تلفت الإنتباه وتخلى أى بنت تحترمه جدا. دايما بيكون حواليه طاقة إيجابية كده ماشى بيها وعنده روح حلوة ومرحة تخلى أى بنت حابة تقعد معاه وتقرب منه. الحاجة الغريبة فى البرج دا هو إن عنده صفة بعتبر ميزة وعيب فى نفس الوقت، وهى التحكم والسيطرة زى ما قولنا..مش بيحب أبدا الأوامر وصوته من دماغه ويمكن توصل لأنه مياخدش رأى حد ويعمل إللى هو عايزه، وعلى إد ما دى حاجة بتخليه جذاب فى نظر البنات لأن شخصيته قوية، إلا إنها بتسبب مشاكل بعد كده. فا نصيحتنا للبرج دا إنك تحاول تشارك البنت إللى بتحبها معاك وتتناقش معاها وتسمعها وتعرف رأيها ختى لو فى الآخر هتمشى كلامك بس دا هيفرق معاها جدا.

unnamed-1-.jpg


برج السرطان "الزوج المثالى"

راجل السرطان بعتبر أنسب راجل للجواز لأنه بصرف النظر عن إنه رومانسى جدا وحساس جدا جدا إلا إنه كمان بيقدر عيلته أوى وبيقدر الحياة الزوجية، هتلاقيه بيهتم ببيته ومراته وولاده جدا ويحب يكون معاهم وعاطفته قوية أوى ناحيتهم وبالرغم من إنه أكتر الكائنات الحساسة على وجه الأرض إلا إنه بيسامح بسرعة وقلبه أبيض جدا وطيبته الزيادة دى من الحاجات إللى بتخليه مينفعش ميتحبش. بيعرف يتواصل جدا مع الناس وخصوصا القريبين منه كمان له آراء عميقة كده بتأثر فى إللى قدامه. الحاجة الوحيدة إللى فى البرج دا هو إنه زى ما قولنا "عريس ميتفوتش" لأنه بيتوتى أوى وكلاسيكى حبتين فممكن تحاول إنك من وقت للتانى تجرب التغير علشان تكسر الروتين وحياتكوا متتقلبش ممل.

unnamed-2-.jpg


برج الميزان "العاقل"

معروف وباين من إسمه إد إبه هو بيحب التوازن فى حياته جدا وعلشان كده بيحسبها بالعقل دايما، هو أكتر الشخصيات إجتماعية بيحب الناس واللمة وفوق كل دا دمهم خقيف وقاعدتهم حلوة ميتشبعش منها. شخص مش بيحب اللف والدوارن والقعدة معاه بتكون مريحة من غير عقد ولا مشاكل، بيعرف يتناقش كويس ويسمع أفكار جديدة ويستوعبها كمان هو راجل هادى أوى ميحبش الخناقات ولا الصوت العالى. مظهره من أكتر الحاجات إللى بتشد البنات له لأنه بيتهم جدا بشكله وأناقته، لكن عيبه الوحيد إنه بيقع بسرعة لأن الحب بالنسبة له حاجة أساسية ومهمة جدا زى الماية والهوا كده فتلاقيه ماشى يحب على نفسه لكن بالرغم من كده بيفكر كويس قبل أى خطوة جدية أو إرتباط رسمى.

unnamed-3-.jpg


شارك هذا المقال: