أشهر 15 عطل فى العربية وأسبابهم

فريق راجل. دوت كوم

طبعاً كل اللى مهتمين بالعربيات لازم يهتموا بمعرفة أهم الأعطال اللى ممكن تكون أسبابها بسيطة لكن عدم وضوحها بيخليك تلف حوالين نفسك وتفتكر إن العربية فيها مشكلة كبيرة ... علشان كدة هنقولك على أشهر الأعطال وأسبابها علشان لما تحصل تقدر تتعامل معاها : 

136361105.jpg


1- لو العربية رعشت منك وإنت ماشي على الأول يبقا فيه حاجة فى قواعد الموتور اللى الموتور متثبت عليها ..

2- لو سمعت صوت طقطقة واضح فى العربية مع اى ملف لازم تكشف على الكبالن وغالباً هتحتاج تغيرها

3- لو سخنت جدا فجأة وقامت مبطلة لازم تشوف الردياتير وغالباً هتلاقيه فاضي زوده مياه ومتشغلهاش على طول.

4- لو سمعت صوت تزييق جامد والدركسيون مش مريحك وتقل سنة اكشف على البطاحات اللى فوق المساعدين

5- لو الميله اللى فى الردياتير لقيت فيها سائل لزج لونه غامق يبقا جابت جوان وش سلندر

car.jpg

6- لو العربية مش ثابتة خالص وبتعوم منك فوق وتحت حاجة من اتنين ... المساعدين اللى ورا أو جلب المقصات فيهم حاجة .

7- وانت بتنقل الفيتيس لو سمعت خبطة ورجرجة يبقا الكبالن الداخلية

8- أول ما تحس إن دواسة الفرامل محجرة معاك ومش ماشية زى الطبيعي إكشف على السيرفو

9- لو مزاجك عنب ع الطريق وحبيت تعدى الــ 100 وانت سايق ولقيت فيه هزة تبقا عايزة ترصيص أمامى لو عديت الــ 100 وحصلت الهزة يبقا الترصيص خلفي .

10- لو الكاسيت كل شوية يفصل ويرجع ، والكهربا على بعضها مش مظبوطة يبقا البطارية فيها حاجة غلط او الأواطيش عايزة تتغير أو الضفيرة تكون مهربة

auto-mechanic-hands.jpg

11- لو ظلمتك فى البنزين وبقت بتستهلكة أكتر بكتير من الطبيعي يبقا كابلات الإنجيكشن أو البوجيهات والسلك بتاعها أو حساس الشكمان ... مش هتطلع بره دول

12- لو الدركسيون بيعافر ومبيرجعش لوضعه الطبيعي بعد الملفات يبقا عايز تغيير صليبة

13- لو الفيتيس تقيل وبيقاوم الحركة يبقا محتاج تغيير زيت فتيس

14- لو العربية من تحت مش مظبوطة وبتسمع أصوات غريبة ومش مريحاك ممكن العفشة تبقا محتاجة تظبيط وتربيط

15- لو بطلت منك وإنت ماشي فجاة وقعدت تنتش ومبتسحبش تبقا محتاجة فلتر بنزين

mechanic-bum_2479768b.jpg

العيوب والأعطال كتير ... لو عندك عيب مشهور قلنا عليه وفيدنا وفيد غيرك من السويقة ..


شارك هذا المقال: