The Irishman قنبلة العملاقان آل باتشينو و دى نيرو المنتظرة !

أحمد سامي

حديث الساعة سينمائيا في أمريكا حاليا , هو الاعلان عن بدء التصوير قريبا , لفيلم هايرجع بينا لكلاسيكيات الزمن الجميل , اّل باتشينو و روبرت دي نيرو , اللي هايظهروا سوا في فيلم جديد بعنوان The Irishman , اللي متوقع صدوره في 2018 :


1- الفيلم هايكون من اخراج العبقري مارتن مارتن سكورسيس – مخرج The worlf of wall street – وده مش التعاون الأول بينه و بين دي نيرو , سكورسيس و دي نيرو اتعاونوا في أفلام كتير أشهرهم كانت رائعته The Taxi Driver ,و Raging Bull , لكن الجديد المرة دي هي مشاركة الأسطورة أل باتشينو , و مش اّل باتشينو و بس , ده كمان الرائع جو بيسكي هايشارك في دور رئيسي , جو بيسكي شارك في أفلام Home Alone , Good Fellas , Casino .

222.jpg

2- الفيلم مأخوذ عن قصة حقيقية للقاتل المحترف , فرانك المشهور باسم the Irishman , واللي هايقوم بدوره روبرت دي نيرو , واللي علي فراش الموت بيعترف بقتله لزعيم النقابات العمالية – جيمي هوفا – واللي هايقوم بدوره اّل باتشينو .


3- حياة جيمي هوفا , اتجسدت قبل كده من خلال جاك نيكلسون بعنوان Hoffa , والمعروف عن الشخصية دي انها اتورطت في مقتل الرئيس الأمريكي جون كينيدي !

999.jpg

4- الفيلم مش بس أبطاله و مخرجه عباقرة , ده كمان كاتب السيناريو الشهير Steve Zaillian , واللي كتب أفلام خالدة زي : Schindler’s List) (Mission Impossible) (Hannibal, American Gangster, Gods and Kings), (The Girl with the Dragon Tattoo)


5- الفيلم ميزانيته مش أقل من 100 مليون دولار , و دي نفس التكلفة اللي تم بيها انتاج The Wolf of wall street , وده بيدل علي قيمة العمل الفني , وانه مش فيلم التقاعد ل ال باتشينو و دي نيرو , كمان روبرت دي نيرو صرح ان الفيلم هايتم فيه استخدام تقنية جرافيك هاتخليه يظهر هو و أبطال الفيلم في سن أصغر في بعض أحداث الفيلم , زي ما حصل مع براد بيت في فيلم Benjamin Button

NEPas2emHjx1SQ_2_b.jpg

كل دى أسباب خلت الفيلم محور إهتمام كل المهتمين بصناعة الأفلام حول العالم .. أدينا مستنيين !


شارك هذا المقال: