10 أسئلة هتقيس درجة متابعتك للموسم الرمضاني

شيماء عادل


لأن التركيز فى الموسم الرمضانى ما بين مسلسلات كتييير وإعلانات وأفشت على السوشيال ميديا حاجة صعبة جدا، قررنا نعملكوا إختبار علشان تكتشف أنت كنت من حريفة رمضان ولا كنت فى الكنافة!!

س1: عم ونوس كان عنده

أ‌) ملاهى
ب‌) محل لعب
ج) نادى

_315x420_2ebd7774b0e4621de5c544af658450bdc18dd27eca172966ab5cce9bfeeb2075.jpg

س2: زى ما عودنا الفنان مصطفى شعبان ذو الأدوار المختلفة جدا الصراحة، أذكر اللازمة إللى كانت عنده السنه دى.....

أ‌) كان فيه وخلص
ب‌) حبيبى يا ربنا
ج) إذا كان كده ماااشى

6875adb3.jpg

س3: تم التعرف على لقطة نادرة للفنانة نيللى كريم، ياترى كانت بتعمل إيه......

أ‌) بتضحك
ب‌) بتتكلم
ج) بتعيط

download.jpg


س4: الفافى بيقولوا الكلام والأمثال الشعبية غلط، والبيئة بتتكلم إنجليش غلط..أسلوب تم إستخدامه فى كل حلقة من حلقات.........

أ‌) نيللى وشريهان
ب‌) الأسطورة
ج) الخانكة

-1.jpg


س5: إيه هى الشركة إللى دفعت فلوس أد كده علشان كلمة رفاهية تتحط فى 12 جملة غير مفيدة ومستفزة وملهاش دعوة ببعض

أ‌) شركة مصر إيطاليا
ب‌) شركة إعمار
ج) شركة قطونيل

620161502341.jpg

س6: إختار من بين ال3 دول أكتر مجموعة مسلسلات مسمعناش عنهم فى طبق اليوم حتى...

أ‌) ] 7 أرواح- أزمة نسب- شهادة ميلاد- الطبال[
ب‌) ] أزمة نسب- الخانكة- الطبال- ونوس[
ج) ] مأمون وشركاه- الميزان- الخروج- فوق مستوى الشبهات[

atapal.jpg


س7: مين من مؤسسى إحدى مواقع السوشيال ميديا إفتكرنا وهنانا بحلول رمضان.....

أ‌) تويتر
ب‌) فيس بوك
ج) مفيش حد إفتكرنا

twitter_facebook1.jpg
س8: مين هو جوكر رمضان السنه دى وإللى ممكن لو فتحت الحنفية تلاقيه......

أ‌) بيومى فؤاد
ب‌) محمد فراج
ج) سناء شافع

ClmwYh6XEAABFtE.jpg

س9: "الحاجات دى تخصك متخصنيش"..."وجع..وجع إيه، أنا ست من إزاز مبحسش" مشهدين هم الأقوى فى رمضان ياترى كانوا فى مسلسل إيه.......

أ‌) جراند أوتيل
ب‌) الخانكة
ج) نيللى وشريهان

resize.jpg

س10: الإعلان إللى حقق أرقام قياسية بعد 4 ساعات من عرضه وإتعمله مزاد علنى.....

أ‌) مؤسسة مجدى يعقوب
ب‌) فودافون
ج) دايس

vvo-1.jpg

اللعبة خلصت، دلوقتى جمع أجوبتك وإعرف النتيجة.

البريمو:

لو كانت معظم إجاباتك هى " أ " يبقى أنت البريمو، حريف رمضان..أنت يابنى كنت مسيطر فى رمضان وميتخافش عليك لو قعدت وسط ناس وإتسألت أى سؤال. أنت كنت جايبها من شرقها لغربها مركز مع مسلسلات وإعلانات ومتابع ممتاز للسوشيال ميديا. مبروووك وعقبال كل رمضان .

اللًقيط:

أما لوكانت معظم إجابتك " ب " يبقى أنت كنت بتلقط حاجات كده على الماشى، متابع من بعيد، تسمع خبر من هنا وتشوف حلقة هنا على كام بوست على السوشيال ميديا. يعنى مش مركز على حاجة بعينها يمكن آخرك متابع مسلسل واحد بس أو اتنين لكن فى نفس الوقت عندك خلفية بسيطة عن إيه إللى بيحصل حوليك ولو قعدت مع ناس مش هتعوك أووى يعنى.

أنت مكنتش هنا:
أما بقا لو لقيت ان غالبية إجاباتك ( ج ) ..أكيييد أنت ركزت فى الكنافة بالمانجه والريد فلفيت أو كنت مسحول فى الشغل أو مصاريف البيت والعيال، المهم إنك مكنتش معانا فى موسم رمضان دا.

أنت طبعا يتخاف عليك فى أى قاعدة لأنك مش هتكون مجمع أى حاجة بتتقال ولا حتى هتعرف تجود فالأحسن تسكت علشان شكلك ميبقاش وحش. نصيحتنا ليك حاول بعد كده تركز فى الحاجات إللى بتجمع معظم الناس وتابع حتى من بعيد وبلاش الركن البعيد الهادى.


شارك هذا المقال: