مسلسلات رمضان 2018 ... ضرب ناااار

أحمد صلاح

فاضل أيام  على رمضان .. وحتى الان ماشوفناش البرومهات اللى كنا بنشوفها كل سنه قبل رمضان بشهر وشهرين عن المسلسلات اللى هاتتعرض خلال الشهر .. والمسلسلات اللى البرومهات بتاعتها نزلت تتعد على الصوابع ... يمكن عشان فيه مسلسلات التصوير بتاعها لسه بادىء الاسبوع دا او القنوات لسه ماقررتشى هاتشترى ايه ؟ ..
وعموماً تعالو اعرفكم على بعض  المسلسلات اللى هتكون موجوده بشكل كبير  فى رمضان دا  


عوالم خفية


مسلسل الزعيم عادل أمام وناس كتير مستنياه لانه هيكون مختلف عن مسلسلات الفتره اللى فاتت وكانت مع المؤلف يوسف معاطى .. هيجسد الزعيم شخصية صحفى اسمه هلال كامل بيكافح الفساد وهيكون فى جو تشويقى .. اخراج رامى امام
هيتعرض على قناة cbc


بالحجم العائلى


يحيى الفخرانى هيجسد فيه شخصية راجل دبلوماسى وهنكتشف فى الحلقه الاولى انه هيستيل من شغله وهيبنى فندق فى مرسى علم وهيشاركه فى البطوله ميرفت امين
هيتعرض على قناه dmc


سك على اخواتك


بطولة على ربيع
هيتعرض على قناه ام بى سى مصر

رحيم


بعد نجاح مسلسل ظل الرئيس فى رمضان السنه اللى فاتت ياسر جلال عامل مسلسل اسمه رحيم مع نور ومحمد رياض ومن انتاج مجموعه فنون مصر واخراج محمد سلامه
هيتعرض على قناة CBC

ليالى أوجينى

بطولة ظافر عابدين وأمينه خليل وهيظهر فيه ظافر بيجسد شخصية فريد صاحب تياترو ومسرح اسمه أوجينى
هيتعرض على قناه CBC

الوصية


أكرم حسنى واحمد أمين عاملين مسلسل كوميدى تأليف أيمن وتار ومن المفترض ان هيكون فيه نجوم هتشاركهم الحلقات فى حلقات منفصلة
هيتعرض على قناه CBC


طايع


النجم المجتهد عمرو يوسف مقدم بطولة صعيدية بشكل جديد الناس مش متعودين عليه وبيشاركه عمرو عبد الجليل وبيصور الان اغلب المشاهد فى الاقصر فى الصحراء ومن اخراج عمرو سلامه
هيتعرض على قناه CBC

نسر الصعيد


محمد رمضان وبطولة صعيدية وشوفنا البرومو التشويقى بتاعه من فتره كبيره واللى اخد تحفيل كبير على الفيس , ونزل من كام يوم اغنيه احمد شيبة " يعلم ربنا "اللى حققت نجاح كبير على اليوتيوب
وهيشاركه البطوله سيد رجب ووفاء عامر ودرة
هيتعرض على قناه DMC


أبو عمر المصرى


بطولة أحمد عز هيجسد شخصية " فخر "  وهو محامى مثالى ومأخوذ من روايتى عز الدين شكرى فشير ومقتل فخر الدين
هيتعرض على قناه اون اى


كلبش2


بعد نجاح الجزء الأولى نتمنى يكون الجزء التانى يكون بنفس النجاح بطولة أمير كرارة وروجينا ومحمود البزاوى
هيتعرض على قناه الحياه و osn


اختفاء


بطولة نيلى كريم واللى هتبدأ المسلسل برحلة بحث عن جوزها المختفى وهيشاركها فى البطولة محمد ممدوح وهشام سليم
وهيتعرض على قناه DMC

الرحله


بطوله باسل الخياط وريهام عبد الغفور
هيتعرض على قناه DMC


أمر واقع


بطولة كريم فهمى
هيتعرض على قناه DMC






شارك هذا المقال: