4 طرق للنجاح على طريقة Mr + 90

فريق راجل. دوت كوم


عماد متعب .. مزعج .. مؤلم لجميع الحراس

Mr +90 اللى مينامش ولا يهداله بال إلا لما يجيب جول الحسم والمكسب
متعب رغم كل المطالبات البايخة بإعتزاله إلا انه كل مرة بيجيب فيها جول حاسم بيثبت للكل إن الراجل اللى على حق هو اللى بيخلى شغله يرد مش لسانه .. علشان كده قلنالكم حاجات ممكن تتعلموها من متعب الحراس :

( التوقيت )

22239-.jpg

الفكرة مش انت بتعرف تعمل إيه وبس ... لازم تكون عارف بتعمل إيه وإمتى .. لأن توقيت الجواز او الارتباط او فتح مشروع خاص بيك أو السفر أو اى حاجة بيحمل 70 % من النجاح او الفشل ... لو بدأت متأخر أو بدأت بدرى ممكن كل حاجة تبوظ منك .. بالظبط زى متعب مبيختار توقيت ضربه للكورة !

( الدقة )

243c209d80761acd41fda3a5f1206658.jpg


كتير بيحاولوا وبيجتهدوا وبيعملو مجهود مضاعف والنتيجة فى الآخر بتكون صفر !
المحاولة والمجهود لو مفيهمش دقة عمرهم مهيجيبوا نتيجة .. زى واحد بيروح شغله كل يوم وبيفضل يضيع مجهوده فى حاجات ملهاش لازمة فى حين انه لو قعد ركز على حاجة واحده فى شغله بس ونفذها بمنتهي الدقة هيطلع آخر الشهر وهو عامل إنجاز ... متعب مش بيشوط الكورة بقوة وزى متيجي تيجي .. متعب بيركز وبينشن علشان كده هو دايماً فالح !

( دعهم يقولون .. وإفعل )

Emad-Meteb.jpg

هتلاقي دايماُ نماذج سيئة حواليك بتحاول تبوظ شغلك أو عايزين ياخدو مكانك او بيحقدو على نجاحك .. لو ركزت مع كلامهم هتبتدى تفقد التركيز فى شغلك ودقتك فى انجازه .. وهو ده اللى هم عايزينه
انما لو سديت ودنك زى متعب مابيعمل وملوش علاقه بأى اشاعات او كلام وبيتمرن بس .. افعالك هى اللى هتدافع عنك

( الفرصة بنت جميله )

mqdefault.jpg

كتير بيقعد يقول أنا نفسي فى فرصة .. وكتير الفرصة بتيجى للكتير دول وبيضيعوها !

يعنى انت بتفضل طول حياتك بتدور على فرصة ومش بتشتغل على نفسك علشان لما تجيلك تستغلها وتقفشها ؟ طب ازاى ؟

متعب أقل مهاجم لعباً فى النادى الاهلى فى الفترة الاخيرة واكتر مهاجم فى معدلات التهديف ! تخيل ؟ يعنى نسبة انجازه وتمسكه بالفرصة أقوى بكتير من اللى هم واخدين فرصتهم بالكامل ... وهو ده الفرق اللى بيصنع اسم وتاريخ ... مش مهم ابداً هتاخد وقت قد ايه او فرصه عامله ازاى .. المهم اول ماتبقا قدام الشبكة .. تجيب جول !


شارك هذا المقال: