اقوي موبايل في فئته Xiaomi Mi A1 بالتعاون مع جوجل

كيرلُس إدوارد

عالم الموبايلات فيه تطور كبير و كل يوم فيه جديد وكل فترة تقريباً موبايل جديد بينزل و احياناً شركات بتدخل اسواق جديدة. من اكتر الشركات الي بدأت تحقق نجاح كبير اوي في مصر هي شركة شاومي

شركة شاومي من اهم مميزاتها الي اشتهرت بيها هي جودة تصنيع الاجهزة مع الامكانيات الافضل في فئتها والي بتتقدم بافضل اسعار في الشريحة السعرية بتاعتها. زي ما من قر يب قدمت ارخص Flag Ship في العالم بامكانيات جبارة. النهاردا قدمت موبايل جديد في السوق المصري و هو Mi A1 و هوضحلكم ليه ده واحد من افضل الموبايلات الي تقدر تشتريها.

التعاون مع جوجل

22.jpg

انا حبيت تكون دي اول نقطة لأنها هي الي هتميز الموبايل ده عن باقي الموبايلات و هو تعاون شركة شاومي مع جوجل تحت مشروع Google One انها تقدم موبايل من تصنيع شاومي لكن الاندرويد الخام من جوجل باصدار Nougat وكعادة اجهزة جوجل انها بيوصلها تحديثات لفترة اطول بكتير من الاجهزة الاخري توصل حتي سنتين

كاميرا ثنائية Dual Camera Lens

11.jpg

مشكلة من مشكلات موبايلات شاومي القديمة انها مشهورة بالجودة المتوسطة للكاميرات و ادائها بيبقي مقبول نوعاً ما في الاضاءة الضعيفة و الليلية لكن الجديد في اجهزة شاومي الي اتقدمت في الفترة الاخيرة هي الكاميرات القوية و استخدام العدسات الثنائية الي بتفيد جداً في التكبير Zoom و العزل Depth Of Field مع دقة 12 ميجا بكسل و كاميرا امامية 5 ميجا بكسل

الاداء والسرعة

33.jpg

كل الموبايلات دلوقتي بقت بامكانيات كبيرة و ارقام قوية للادء لكن شاومي برده بتتفوق علي المنافسين في الفئة دي برامات 4 جيجا و مساحة داخلية 64 جيجا لموبايل سعره حوالي 4500 جنيه!

التصميم

44.jpg

في النهاية تصميم الموبايل يشبه كتير من التصميمات الجديدة الي كلها تشبه الايفون و في الحقيقة التصميم رائع و جميل وسهل استخدامه و مريح للايد في مسكة الموبايل و لكن كنت اتمني لو البصمة كانت تبقي في زرار قدام افضل بكتير من انها تبقي ورا , و طبعاً متوفر باكثر من لون منهم الاسود و الدهبي و اللون الوردي

من عيوب الموبايل الي ممكن نتكلم عنها و لكنها مش عيوب في الموبايل نفسه لكنها تخص الPackaging و هي ان تصميم العلبة فقير جداً و الجهاز بيجي بشاحن فقط من غير سماعات وده علشان يخفضوا تكلفة الموبايل النهائية و يركزوا علي الموبايل بشكل كبير انهم يطلعوا افضل موبايل في الفئة دي بسعر ممتاز

و في النهاية سعر الموبايل بيبدأ في المحلات من 4400 جنيه


شارك هذا المقال: