مبادرة الأمارات للبرمجة .. مليون دولار بدون شروط !

أحمد صلاح

من كام يوم كدا حاكم دبى الشيخ محمد بن راشد عمل مبادره رائعه للشباب العربى لتعليم البرمجه ولان مجال البرمجه هو المستقبل وفى دول كبيره قايمه عليها زى الهند مثلا ومتوسط دخل الفرد منها فى الشهر 3 الاف دولار .. فبالتالى المبادره دى معموله عشان تساعد الشباب اللى مش لاقى شغل فى الوطن العربى

2017102416297898XB.jpg

شروط المبارده

مفيش شروط غير انك تكون عربى ودى اكتر حاجه تكون مشجعه لاى حد عشان يقدم .. يعنى لو حضرتك مابتعرفش اى شىء عن البرمجه برده ينفع تقدم

مستويات المبادره

المبادره هتعلم مليون مواطن عربى واول مرحله هتكون عباره عن فتره تدريب لكل المتقدمين لمده 3 شهور وبعدين هيتم تصفيتهم عن طريق اختبار واللى هينجح هيكمل تدريب لمده 6 شهور

وهيتم اختيار 1000 مشترك فى منح ودورات تدريبية عالمية اكتر تخصص

ولكن مش شرط تكون من الالف انت كفايه توصل للتدريب 6 شهور ودول كافيين يخلوك محترف فى البرمجه

-5.png

المسابقه

اللى هيحصل على المركز الاول فى المسابقه اللى هاتتعمل فى النهايه هيكسب مليون دولار و 50 الف دولار للى هيكون فى العشر مراكز الاولى

مجالات البرمجه

هيكون فى اكتر من مسار فى المبادره دى ومنها

مسار مطور الويب الشامل – مسار مطور نظام الاندرويد – مسار مطور واجهه الويب الامامية – مسار محلل البيانات

التدريب هيكون فين

التدريب هيكون اون لاين على منصات الكترونيه يعنى هتكون قاعد فى البيت مستريح كل اللى عليك تحضر ورقه وقلم وتركز وانت بتسمع الدورات

maxresdefault-2-.jpg

امتى هتبدأ المبادره

المبارده هتبدأ فى يناير 2018 , وهما دلوقتى فى فتره التواصل مع المشتركين عشان يساعدوهم فى اختيار المسار اللى هما يحبو يتعلموه

ازاى تسجل فى المبادره

التسجيل سهل جدا كل اللى عليك انك تدخل على الموقع دا

http://www.arabcoders.ae/

وهيبعتلك اميل هيقولك انهم هيتواصلوا معاك خلال الاسابيع الجايه زى دا

maxresdefault-3-.jpg

وللعلم لو انت محترف برمجه برده ممكن تقدم فى التسجيل فى الاخر اختار انك معلم مش طالب لانهم بردوا محتاجين ناس تدرب المشتكرين

على اى حال دى فرصه كويسه ماضيعهاش من ايدك وممكن بسببها يكون ليك شغل بدل القعده .. حتى لو انت كنت شغال وعايز تزود دخلك برده تقدر تتعلم البرمجه لان المجال دا لسه فى بدايته ومستقبله كبير وفلوسه حلوه كمان


شارك هذا المقال: