نصايح مهمة لو ناوى تزور معرض الكتاب

أحمد سامي

شوية نصايح سريعة كده للى حابين يزوروا معرض القاهره الدولى للكتاب اللي بدأ السبت 27 يناير :

1-معرض الكتاب مش سوق خضار يعنى مش هتنزل والفاكهه اللى تعجبك هتشتريها لازم تكون محدد انت جاى تعمل ايه بالضبط

2-حاول قبل ماتنزل تكون كتبت ورقه او عملت حفظ لصور الكتب اللى انت محتاجها بالظبط علشان ماتخسرش فلوسك وتندم

3-الكتب بندور عليها باسم دار النشر فركز واعرف دار النشر موجوده فين علشان ماتتعبش فى البحث

4-حدد انت محتاج كتب فى اى مجال علشان لو لسه هتاخد فكرة من اللى هتشوفه بعينك

59ad713b95a59719038b4567.jpg

5-اعمل بحث عن الكتاب الجدد اللى عندهم اصدار او اتنين او تلاته من قبل وشوف ردود الناس على القديم بتاعهم وحاول تشجعهم فى الجديد

6-لو فى كتاب شكله عجبك ومكنتش عارف الكاتب بتاعه اقرا ظهر الغلاف كويس والنبذه المختصره عن الكاتب وانت وتقديرك

7-علشان تستفيد كويس من الميزانية اللى عاملها للمعرض دور على الفيس بوك على دور النشر اللى عامله خصومات ودول كتير اوى

8-اعرف كويس ان الرواية او الكتاب اللى هتكون محتاجه فأفضل وقت علشان تشتريه هو معرض الكتاب علشان الخصومات اللى قولنا عليها فى النقطه اللى فاتت لان فى دور نشر عاملين لحد 50% خصم من تمن الكتاب غير عروض الخصم للى جايين من المحافظات وكمان كروت الحظ وقسائم شراء

774.jpg


9-خلى معاك ازازة ميه وسندوتشين كدا علشان لو جوعت

10-حاول تنزل وانت معاك حد من اهلك او اصحابك وشاركهم باختياراتك

11-اذا عندك اطفال لهم قدرة على القراءه خدهم معاك منها رحله ومنها يختاروا كتاب بنفسهم ويتعلموا قيمة القراءه

12-على هامش المعرض فى حفلات وندوات كويسه اوى استمتع واستفيد بيها لو وقتك يسمح

21470371151517053552.jpg


شارك هذا المقال: