7 حاجات متعرفهاش عن ( أبو شعر اصفر ) اللى بتتريق عليه !

دينا حشيش


السخرية والتريقه على الناس بقت من الحاجات الكتير المش مفهومه فى مصر دلوقتى !

بقا أسهل حاجة عند اى حد انه يكتب كلمتين تريقه عن اى حد لمجرد انه يمشي مع موضة - السف – والتريقة وخلاص من غير مايقف لحظة ويفكر هو اللى بيسف عليه ده هل فعلاً يستحق ؟

دي شوية معلومات عن مصمم الأزياء الشاب مهند كوجك اللى أثارت صورته وتصميماته فى العرض الخاص لفيلم مولانا سخرية جمهور كبير من رواد السوشال ميديا :

1- عنده 22 سنة وعمل البيزنس الخاص بيه وقدر ينجحه وفى 3 سنين بس بقا من الأسماء المعروفة جداً فى المجال ده ... إنت وانت عندك 22 عملت إيه ؟

1.jpg

2- عنده 22 سنة وأتيحت ليه الفرصة للعمل مع مصمم الأزياء العالمى إيلي صعب اللى مش أى حد بيقدر يدخل الدايرة بتاعته ويتعلم منه

2.jpg


3- عنده 22 سنة وصمم 7 collections نجحوا بشكل كبير جداً وحققوا انتشار ومبيعات عالية

3.jpg


4- عنده 22 سنه ونال ثقة العديد من المشاهير اللى صعب اى مصمم يرضيهم ويرضي ذوقهم وكان من ضمنهم الفنانة درة

4.jpg

5- عنده 22 سنة وساهم فى وصول مئات البطاطين والمواد الإعاشية للاجئين السوريين فى مخيماتهم فى لبنان !

5.jpg


6- عنده 22 سنه ومهتم انه يقدم الإبداع بتاعه بأفكار خارج الصندوق وميبقاش مجرد مسخ بيقلد اللى حواليه فى بلد معظمها بقا بيقلد بعض !


7- عنده 22 سنة ومبيتريقش على حد وبيساعد كل إنسان محتاج للمساعده المعنوية وكان آخرهم يوسف بتاع الفريسكا اللى مصر كلها اتكلمت عنه وهو قرر يبسطه بالطريقة اللى يعرفها وبيحبها

"Some dream, some aim high; and some aim higher. They say if we stop dreaming, we die; He said. I stood there mesmerizing and gazing at the man who took his life by storm and fought his sweet way with a sweet tooth and sold sweet happiness to the people he meet; and smiled to have had came across a soul similar to mine. This goes to the ones who didn't find a place in this ugly world of ours; yet, fought hard to make a whole new world of their own." - #Kojak to #بياع_الفريسكا Sending all the love to @nineteen84management and @dina.hashish #bykojak #fashion #fashiondesign #fashiondesigner #menswear #bohochic #model #success #story #menstyle #style #patterns #suit #gold #vintage #black #bun #hairstyle #portrait #photography

A photo posted by Mohanad Kojak (@kojakstudio) on

دلوقتى ... قبل ماتتريق ممكن تسأل نفسك سؤال واحد ... ده شخص صغير فى السن وعمل كل ده المفروض تشجعه ولا تتريق عليه ؟ انت مالك لون شعره أصفر ولا أحمر ؟ بيلبس حلو أو وحش ؟ هو بيعمل كل ده ببساطة لأنه عايز يعمل ده ... هو حر ! أنا شخصياً ممكن اكون محبش ستايل اللبس بس ده ميدينيش حق اني اتريق على اختياراته !


شارك هذا المقال: