بعد ما قبضوا الفلوس .. شوف أبطال ليستر عملو بيها إيه

عمرو موسى


كلنا نفسنا الزهر يلعب معانا, وأهو أدينا بنحاول, بس هل طبيعي إن كذا حد الدنيا تكون جاية عليه أوي ولما يروح مكان معين الدنيا تفرج والزهر يلعب معاه؟ مش يلعب بس ده يلعب قوي كمان, آه ممكن وده اللي حصل فعلا, من فترة مكنش حد وراه سيرة غير سيرة ليستر سيتي النادي اللي محدش يعرفه اللي كسب الدوري الإنجليزي

خلينا نتكلم عن المضوع المرادي من نظرة تانية خالص, لإن الموضوع مبقاش ليه علاقة بالكورة جوا الملعب بس, الناس هناك الزهر بيلعب معاها علي الاخر, خلينا نتكلم عن أهم 4 شخصيات الزهر لعب معاهم لما راحوا هناك

1- كلاوديو رانييري

r.jpg

مدرب عنده 63 سنة, عمره ما اخد دوري في حياته, طردوه من تشيلسي من كام سنة عشان لقوه أي كلام, مبيعرفش حتي يتكلم إنجليزي, رايح يمسك فريق كان بيصارع علي الهبوط, ومكنش فيه فلوس طبعا يجيب لاعيبة ولا فيه تجهيزات ولا أي حاجة

بعد أما الزهر لعب اخد دوري بفريق محدش يعرفه, اخد 5 مليون يورو مكافأة غير إن اتجدد عقده وضربه مرتبه في اتنين, اتعمله ممر شرفي في ملعب تشيلسي اللي طرده من كام سنة

2- مالك نادي ليستر سيتي

West-Bromwich-Albion-v-Leicester-City-Premier-League.jpg

راجل تايلندي بدأ حياته بإنه كان عنده دكان صغير, فضل يكبر يكبر لحد أما بقي من رجال الأعمال المهمين في تايلاند, وكعادة الناس دول قرر يشتري نادي إنجليزي

بعد أما الزهر لعب أكتر وأكتر النادي بتاعه خد الدوري, وفي يوم دخل يلعب قمار, كسب 2 ونص مليون استرليني! أيوة الرقم صح, ولإنه غني والرقم ده مش فارق معاه قرر إنه هيجيب عربية فاخرة لكل لعيب كمكافأة على مجهودهم

3- جيمي فاردي

v.jpg

ده بقي حكايته حكاية, أكتر لعيب فيهم كانت الدنيا جاية عليه, وفي نفس الوقت أكتر واحد الزهر لعب معاه, لعيب عادي في دوري الدرجة الخمسة, وبيشتغل عامل في مصنع, كان محكوم عليه عشان اتخانق قبل كده وكان عليه حاجة زي مراقبة فـكان مينفعش يفضل برا البيت لبعد الساعة 6, كان بيروح الماتش يلعب 60 دقيقة من ال 90 بعد كده يروح بسرعة

بعد أما الزهر لعب, أخد الدوري, إسمه إتكتب في موسوعة جينيس كأول لعيب يسجل في 11 ماتش ورا بعد في الدوري, فيه كتاب بيتكتب عنه وفيلم عن قصة حياته, وهيتجوز صاحبته كمان كام شهر في القلعة دي

ca.jpg

4- رياض محرز

Riyad-Mahrez_0.jpg

لعيب جزائري بيلعب في دوري الدرجة التانية الفرنسي, محدش يعرفه وفيه منه كتير في فرنسا, بيتنقل في بداية الموسم

بعد أما الزهر لعب: جاب 15 جون في الموسم وكان من الأسباب الرئيسية إن ليستر خد الدوري, بس الأهم من كدة إنهم إختاره كأحسن لاعب في الدوري الإنجليزي, وبكدة يكون أول لاعب عربي يفوز بالجايزة دي

بعد كل ده, يلا بينا علي ليستر بقي ولا إيه؟ إن شاالله نروح نفتح محل فول وطعمية هناك وكل حاجة هتبقي زي الفل


شارك هذا المقال: