دليلك لــ عبور ليلة الدخلة بسلام

فريق راجل. دوت كوم

إحنا كــ راجل دوت كوم لازم نكون فى ضهر كل واحد داخل على تجربة الجواز .. هنديكم شوية نصايح عملية وبسيطة علشان يوم دخلتك وفرحك يمروا على خير ..

1- متلتزمش بمواعيد .. يعنى إوعي ترسم خطة بمواعيد فى يوم الفرح ( الحلاق هييجي 5 يخلص 5 ونص بعدها ألبس وأروح للعروسة 6 ونص تكون الكوافيرة خلصت ) فكك من كل الهرى ده لأنه مش هيحصل والمواعيد كلها هتبوظ وهتوتر نفسك على الفاضي .. سيب نفسك

1447668024-326115-inarticleLarge.jpg

2- متدققش خالص مع العروسة فى اليوم ده ، من اول ماهتصحي من النوم هتخترعلك حاجات تعصبك.. ( باقي فلوس الميكب أرتيست .. الجزمة بتاعتي طلعت ضيقة عايزاك تروح تغيرها .. انتيمتي باباها مسافر ومفيش حد يجيبها الكوافير روح هاتها ) وما يستجد من استفزاز فى يوم إنت محتاج فيه أعصابك أوى .. خليك بارد

3- متعتمدش إنك العريس فميبقاش في جيبك فلوس .. بالعكس إنت أكتر يوم هيطلعلك فيه خوازيق للمصاريف الصغيرة هو يوم الفرح .. حاجة باظت فى الشقة فجأة وعادة ده لازم يحصل على آخر لحظة فتضطر تجيب صنايعي ياخد فلوس قد كدة .. وانت طالع من الكوافير بالعروسة تلاقي اتنين ملهمش لازمة ماسكين صنيتين نحاس من ع القهوة وبيطبلولك ويغنولك علشان تزرف كل واحد خمسيناية بلطجة كدة .. أى خازوق يامعلم محتاج فلوس فكة فى جيب البدلة دايماً ..

544951a77bd76.jpg

4- من بعد العصر كدة أقفل تليفونك وخلى التعامل من خلال تليفون حد هيفضل معاك لحد ماتدخل القاعة ( صاحبك – اخوك ) ... علشان تتجنب المكالمات المستفزة اللى بيكلمهالك الناس قبل الفرح بساعتين تلاتة ( هو القاعة فين ؟ وإسمها إيه ؟ .. مستعد ولا هتفضحنا .. عايزينك ترفع راسنا ) طيب ماتسيبونى أجهز ياجماعة علشان ارفع راسكو كويس ؟!


5- متتوترش من الزحمة والتأخير ومواعيد القاعة اللى ماضي عليها ... كل ده بيحصل كل يوم ومفيش حاجة بتتغير .. إنت العريس يعنى لازم متفكرش بقا وتحاول تتبسط .. الناس كلها هتستناكم ومحدش هيمشي واليوم هيعدى وهيبقا زى الفل .. توترك هيعصبك وعصبيتك هتطلع على العروسة او حد من اهلها او اهلك وهيبقا موقف بايخ مش هيتنسي ...

daf63220d-1.jpg

6- فى الفرح نفسه بقا سيب نفسك بمعنى الكلمة .. اوعي تتنشن ارقص مع العروسة ومامتها وخالتها وابن عمتها اللى جاى من السعودية واول مرة تشوفه .. اصحابك متتاخرش عليهم فى الرقص علشان هيذلوك ويشتموك ع القهوة بعدها انك كنت قافش فى مراتك ومش صابر لما تروحو البيت وكل هذه التعليقات ... راضي الكل .


7- لو عازم بنات اصحابك او زمايلك فى الشغل خليك حريص جداً فى التعامل معاهم فى الفرح ... كل رمش بترمشه عليهم هيطلع سواد عليك بعد كدة ... ومتقلش العروسة مش مركزة وده فرح وبتاع .. إنسي دول أجهزة مراقبة متنقلة ، ده غير الفيديو اللى هيفضحك بعد كدة ..

ostora6.jpg

8- لما الفرح يخلص خلاص وتروح .. بلاش تبقا قليل الذوق مع الناس اللى بتوصلك لبيتك .. وبلاش تعليقات سخيفة من نوعية ( نورتوا ياجماعة وهتشرفونا لحد إمتى ومش كفاية بقا ) حتى لو علي سبيل التهريج مع العيلة وكدة لأنها بتسيب أثر مش لطيف علي العروسة وبتحس إنك متجوزها للغرض إياه بس ..


9- متدخلش قفش كدة على المواضيع على طول .. وإعرف إن اليوم الأول مجرد بداية يعنى مش هتوصل لكل حاجة النهاردة خالص .. وإوعي تنسي الجيل اللى اصحابك جابوهولك .. مرحلة الحفر ع الناشف دى تنفع مع حفر الطرق والقنوات والأساسات بس ..

53e8de232bef20bcaa833f7fc406f54b_123487423_102.jpg

10- دلوقتى تقدر تاكل وتشرب وتعمل كل حاجة لأنك هتبقا محتاج ده دلوقتى .. مش محتاجه قبل .. جسمك لو تقل هتتقل والأداء مش هيبقا فورمة .. إصحي للكلام .

tumblr_mcbmo3WUxX1qetzlro1_400.gif


شارك هذا المقال: