سر خطير وراء " كنتاكى " !

أحمد صلاح


كتير مننا بيفتكر انه مجرد شكل شيف حاطينه على اللوجو بتاعهم .. بس ده مش مجرد شيف دا الملياردير "كولونيل ساندرز " صاحب سلسله مطاعم كى اف سى العالمية وهو صاحب الخلطه السرية بتاعت الفراخ اللى لغايه دلوقتى مالقناش مطاعم او شيفات عرف يقلدها

طيب تعالو احكلهم حكايه الملياردير العجوز دا ؟

اتولد يوم 9 سبتمبر سنه 1890 واتوفى يوم 16 ديسمبر سنه 1980 .. بيقولك انه كان من عيله فقيره جدا ووالده اتوفى وهو فى سن 6 سنين وكان عايش مع امه وكان بيرعى اخواته وبيحضر لهم الاكل وده اللى خلاه يعشق الاكل ويتقنه من صغره

فى سن 16 ساب المدرسه وخسر 4 وظايف واتجوز وهو عنده 18 سنه

kfc_2015_original.jpg

وبعد كده دخل الجيش وخرج وهو عنده 22 سنه واشتغل فى السكك الحديد وفشل

وقدم طلب لكليه الحقوق للدراسه وتم رفضه وحاول يشتغل فى شركه تأمين فى مجال المبيعات بس برده فشل

وعند سن 20 سنه مراته سابته واخدت بنته وقرر الانتحار اكتر من مره لانه كان شايف انه مايستحقش يعيش .. المهم

عند سن 40 واحد صاحبه فى ولايه كنتاكى راح واشتكى من سوء الاكل فى الولايه وقرر معاه انه يفتح محل صغير يقدم فيه فراخ مقليه مع البطاطس والخضار وسماه " كافى ساندرز " وبعد كام شهر من الشغل اتشهر بس مش بالشكل الكبير كان مشهور فى المنطقه اللى هو فيها بس ومكنش ده طموح

kfc-colonels-main-Custom-.jpg

كولونيل .. وهوه عنده 60 سنه بقه ققرر حاكم كنتاكى اعاده تخطيط للمدينه وقفلوله المطعم

وبعد كده قرر انه يعمل خلطه سحريه للفراخ وبدأ الاول بيعها للمطاعم ولكن للاسف مفيش غير 5 مطاعم بس هما اللى اقتنعوا بالخلطه وكانوا بيشتروها ..

عند سن 65 سنه طالع على المعاش واخد شيك بمبلغ 105 دولار وقرر انه يبدأ من جديد بسلسه مطاعم كنتاكى اللى وصلت 600 فرع

وفى سنه 1963 قرر بيع امتياز سلسله مطاعم كنتاكى لجان براون والمليونير جاك ماسى مقابل مليون دولار ومرتب شهرى 40 الف دولار ..

ودى كانت نهايه القصه ودلوقتى وصلت الفروع 11 الف بسبب الراجل دا ..

30250061-01.jpg

اللى عايزين ناخده من القصه هو الصبر .. واحد زى دا كان ممكن من اول سنه فتح فيها المطعم كان ممكن يقفله لو مالقاش نفسه بيكسب ودا اللى اغلبنا بنعمله .. لازم تتبع سياسه النفس الطويل وبالاخص لما يكون عندك ثقه فى حاجه انت بتعرف تعملها .. اصبر مسيرك توصل


شارك هذا المقال: