چونى چونى .. زهق با با !

أحمد صلاح

المقال دا لكل ( راجل ) أب .. وبم اننا كترنا اليومين دول والوقت بيعدى علينا وبنشوف عيالنا بتكبر قدامنا , لازم تعرف ان طفلك اللى معاك دا هو اهم استثمار فى حياتك ..فعشان كدا بلاش نستهتر ونرمى فى ايديهم الموبايل والتابلت ونسيبهم يتفرجوا على اى حاجه
وسيبكم بقه من " جونى جونى" اللى هي الاغنيه الرسميه لكل طفل فى الوقت الحالى  وتعالو اقلكم على اهم 5 مواقع على الانترنت بتهتم بتعليم طفلك فى مجالات كتير


make me genius
الموقع دا هتلاقى فيه شويه فيديوهات بتعلم الطفل معنى العلوم بطريقه مبسطه وسهله يعنى يعرف يعنى ايه الفضاء , ويعنى ايه الفيزياء .. ومقسم الفيديوهات على حسب عمر طفلك ومقسمهم ل 7 مستويات
 
http://www.makemegenius.com/


history for kids
دا جزء من موقع بى بى سى ومعمول خصيصا للاطفال عشان يقدروا يفهموا يعنى ايه تاريخ بشكل مبسط ومن خلال العاب وكويزيز


http://www.bbc.co.uk/history/forkids/index.shtml



coolmath
الماس يعنى الحساب بالنسبه لنا –لامؤاخذه – عقدتنا وعقده معظم الاطفال الموقع دا بقه هيخليهم يحبوا الماس لان طريقه تعليمها مختلفه ومبتكره ومسليه
 
http://www.coolmath.com/



national Geographic
زى مافيه ناشينوال جيوجرافيك للكبار واحنا اكيد من عشاقها مانسوش الاطفال وعملوا موقع فيه فيديوهات كتير بيشرحوا فيه الحيوانات وطريقه اكلها والاماكن اللى عيشه فيها وده من خلال فيديوهات والعاب
 
https://kids.nationalgeographic.com/



scratch
الموقع دا لتعليم البرمجه بس بشكل مبسط وبأدوات بدائيه هتلاقيه بيبدع فيها , وطبعا دا عشان البرمجه من اهم مجالات المستقبل


https://scratch.mit.edu/



شارك هذا المقال: