كل اللى محتاج تعرفه عن إختراع أبل الجديد آيفون إس سي

عمرو موسى


بعد كتير من الإشاعات والتسريبات, أعلنت أبل أخيرا عن أحدث موبايلتها, بس الغريبة إنه مش iPhone 7 ولا حتي iPhone 6C, حاجة جديدة خالص وإسمه iPhone SE, إيه حكايته وإيه المميز فيه؟

بعد إتجاه أبل للموبايلات اللي بشاشة كبيرة, وده كان طبعا واضح في ال iPhone 6 وiPhone 6 Plus, لاحظوا إن شريحة كبيرة من المستخدمين مش بيحبوا الموبايلات الكبيرة وبيفضلوا الموبايلات الصغيرة اللي ينفع يتعاملوا معاها معظم الوقت بإيد واحدة, ده غير إنك لو رجعت بالزمن لورا هتلاقي إن ستيف جوبس الله يرحموا انتقد كذا مرة سياسة شركات زي سامسونج وسوني لإنهم بيعملوا موبايلات كبيرة وإن المستخدمين مش دايما بيعجبهم الموضوع ده

AppleMain.jpg


 فقررت أبل زي متقول كده تجمع الحلو من هنا تحطوا علي الحلو من هنا, تاخد حجم وشكل ال iPhone 5S اللي ساعة نزوله حقق مبيعات خرافية حطيته في قيمة أنجح الموبايلات في التاريخ, وتاخد البرسسيور والكاميرا من iPhone 6S اللي مخليا الموبايل مكتسح السوق بقاله أكتر من سنة, وتعمل موبايل جديد عشان تبقي رضت كل الناس

iPhone SE الجديد الشاشة بتاعته LCD بحجم 4 إنش دقة الوضوح 1136 × 640 بكسل بروسيسور A9 نفس بروسيسور iPhone 6S اللي يعتبر أسرع 70% من A8, رام 2 جيجابايت

الكاميرا الخلفية 12 ميجابكسل بتصور بدقة ال 4K مع فلاش LED نفس كاميرا ال iPhone 6S, الكاميرا الأمامية أقل من اللي في ال iPhone 6S بدقة 1.2 ميجابكسل بس. اللي في ال iPhone 6S بدقة 5 ميجابكسل

BN-KF534_iphone_G_20150909151901.jpg


الموبايل بيشغل 50 ساعة من الموسيقى أو 13 ساعة من الفيديو أو 13 ساعة إنترنت بالواي فاي أو شبكة الجيل الرابع قبل ما تحتاج تشحنه تاني

الموبايل هيكون متوفر في أمريكا من يوم 31 مارس, سعره يعتبر رخيص نسبيا عن ال iPhone 6  واللي هيخليه منافس قوي للموبايلات الأندرويد اللي في نفس سعره, بيبدأ من 399 دولار لنسخة ال 16 جيجا و 499 دولار لل 64 جيجا


شارك هذا المقال: