ضربة أبو هشيمة الجديدة .. اللى معاه قرش محيره !

أحمد سامي


أبو هشيمة الشخصية الجدلية اللي دخلت المجال الإعلامي بشكل مفاجئ وجريء , ناس كتير بتشوفه رجل أعمال ذكي , وناس بتشوف اللي بيعمله صدفة , أبو هشيمة قدر يعمل صفقات كانت مدوية في الوسط الإعلامي وقدر يرجع عمرو أديب لأيام قوته وحقق نسب مشاهدة غير متوقعة ، وقدر يجمع مصر كلها في قناة الرياضة في ماتش مصر وعمل شوية حاجات كدة بيتقال عليها الواد دة معلم ..

 
وكانت الضربة القادمة انه جاب الدون كريستيانو رونالدو في قناة مصرية ومذيع مصري( عمرو أديب ) لأول مرة في الشرق الأوسط كله


بغض النظر عن ميولك السياسية , لو انت فاهم شوية في المجال الإعلامي هاتفهم ان دة يعتبر أهم حدث إعلامي في الفترة دي لان الدون شخصية عالمية مش محلية ورقم واحد في مجاله اللي هو المجال المفضل عند معظم سكان كوكب الأرض

وبالتالي الحلقة دي اي كان الرقم الي هياخده كريستيانو ,ابو هشيمة هايكسب أضعافه اعلانات ,وبطرق كتير تانية, كفاية نسبة المشاهدة الخيالية الي هتحصل في الحلقة دي لان المشاهدة هتكون عالمية مش محلية بس من عشاق كريستيانو وحتى من كارهية ومنافسيه

14963133_892759124157399_1557722897961983719_n.jpg

في ناس شايفه أن أبو هشيمة يستحق انه يكون غني لأنه بيفكر برة الصندوق وبيعرف يستغل أي موقف لصالحه حتى من جوازه من هيفاء وهبي واللي كانت بوابة ظهور احمد ابو هشيمة ,لأنه استغل شهرتها صح وعرف يستفيد منها عكس ما الناس متخيلة انها هي الي استغلته لأنه ببساطة لو كان عمل حملات دعاية يشهر بيها نفسه كان دفع ملايين اكتر من كدة فهو كدة وفر كمان.

تفتكر ابو حميد صايع وللا لأ ؟


شارك هذا المقال: