حمزة .. نمرة كام ع اليوتيوب ؟

أحمد صلاح

من اول مابدأت 2018 واحنا ماشوفناش الالبوم اللى يشدنا ونفضل نشير منه اغانى .. يمكن اخر البوم كان مسمع البوم اصاله " مهتمه بالتفاصيل " وكان فى اخر 2017 ..

hamz.jpg


لغايه مااخيرا لقينا البوم حمزه نمره اللى لسه نازل من ايام باسم "هطير من تانى " .. وده بعد الكليب اللى كان لأغنيه " دارى ياقلبى " اللى شوفناها كلنا اغنيه كئيبه وفيها كسره بعيده عن التفاؤل والحماس اللى كانت دايما فى اغانى حمزه على الرغم انها حققت 38 مليون مشاهده فى اقل من شهر  ..


البوم هطير من تانى مع انه ماعداش عليه كام يوم بس نجح نجاح كويس جدا حتى الان على اليوتيوب .. تقريبا كل اغانى الالبوم ترند وعامله مشاهدات قرب 6 مليون مشاهده فى وقت قصير جدا ..    وفكرنا بنجاح ألبوم انسان اللى كان سنه 2012 واللى مبيعاته عدت مبيعات الهضبه عمرو دياب فى وقتها ..

nn.png


الالبوم عباره عن 9 اغانى جديده متعاون مع الشعراء حازم ويفى , محمود فاروق , ومحى حوار , محمد السيد


الحان الالبوم بالكامل لحمزه نمره ماعدا اغنيه مدد الحان وتوزيع كريم عبد الوهاب
اكتر الاغانى اللى معلقه مع ناس كتير هيا اغنيه " ولا صحبى احلى " بسبب كلماتها الاكتر من رائعه وايقاعها الهادى
" ولا صُحبة أحلى من تجلّي الذات  .. ولا حضن أدفى من ونس في النفس.. غاب الصُحاب لكن الهوى حاضر .. قادر ياخدني لحد عين الشمس ... ساب القمر ضيُّه على بابي.. نور لي كل اللي طفاه الأمس ... أنا وحدي جايز بس منّي كتير .. حالمين بعالم فيه قلوب تتحس "


ودى اسماء الاغانى
 بص بص , الواد العبيط , شيكايو , زهره , مدد , شويه حبايب , هطير من تانى , ودارى ياقلبى
دلوقتى اسيبكم تسمعوا الاغانى وتحكموا على الالبوم بنفسكم


شارك هذا المقال: