مراتى حامل .. مطلوب مني إيه كــ راجل !؟

فريق راجل. دوت كوم

طبعاً أثناء فترة الحمل ربنا يكون فى عون كل الستات ، بيعانوا نفسياً وجسدياً وصحياً بشكل كبير ، وكل ست منهم بتبقا محتاجة أوى " راجل " يقف جنبها ويستحملها ويفهم إن هي بتمر بأوقات صعبة ويتعامل معاها بالمنطق ده ، ومش هنقول يحط نفسه مكانها علشان يعذرها ، لكن هنقولك على شوية نصايح ع الماشي لو مراتك حامل :


• نفسياً

naf.jpg

إوعي تحسس مراتك إنها مقصرة معاك فى حاجة – حتى لو هي كدة – وإعمل حسابك إنها فى فترة صعبة من حياتها خصوصاً لو أول مرة تحمل وده بيسبب ضغوط نفسية كبيرة مطلوب منك فى الأساس تخفهها مش تزود عليها الضغط العصبي وكمان ده بيساعد على نمو الجنين بشكل أفضل ... شارك على قد ماتقدر فى شغل البيت حتى ولو من باب المجاملة ياسيدى مش هتخسر حاجة .. لكن هتكسب حاجات كتير.

• عاطفياً

16-weeks-pregnant-810x618.jpg

الست فى المرحلة دى وخصوصاً لما ملامح جسمها تتغير بسبب الحمل بتفقد شوية الثقة فى نفسها وفى قدرتها على إحكام السيطرة علي مشاعرك زى الأول ..علشان كدة هتلاقي الغيرة زادت والمشاكل الصغيرة كبرت ، إوعي تاخد على كلامها وتعمل خناقة وتخاصم ... خليك إنت الكبير وياسلام لو بدأت إنت بكلمتين غزل حلوين ترجع ثقتها فى نفسها .. او خروجة رومانسية جميلة ... كل الحاجات دى هتخليها أحسن وصحة الجنين هتكون أفضل لما يخرج للدنيا

• جنسياً

cheating-wife-caught_660311_large.jpg

نصايح كتير جداً بيقولوها الخبراء فى الموضوع ده ، وأكيد تعليمات الدكتور هى اللى لازم تعملها ... إمتى مطلوب تعمل كدة وإزاى .. بس النصيحة الأهم إنك برضو لازم تاخد بالك من حاجة مهمة أوى ... إنها مش زى الأول .. هي حامل فطبيعي النتايج مش هتبقا زى مانت متعود خالص ... متحسسهاش بده أبداً لأنه ممكن يأثر على الموضوع بعد الوضع وتصدر لنفسك مشكلة ع الفاضي


• إجتماعياً

Untitled-17_1_-6.jpg

لازم مراتك وكل اللى حواليك يحسوا إنك مبسوط وفى إنتظار المولود .. طبعاص ده شئ طبيعي لكن بالنسبة للستات لازم تقولهم ده بنفسك متسيبهمش يكتشفوها وكمان لازم تثبت ده بحاجات مادية... يعنى ميضرش لو يوم دخلت عليها بلبس للنونو ولا لعبة ولا اى حاجة من الحاجات اللى ممكن المولود يحتاجها.. انت كدة كدة هتجيبها يامعلم بس توقيتها بيفرق جداً وبيشيل من عليك حمل كلام ورغي كتييير منها ومن حماااتك.


شارك هذا المقال: