الفولية .. رئيسة جمهورية حلاوة المولد

أحمد صلاح

بكرة هيكون عيد المولد النبوى كل سنه وانتو طيبين .. وعادة اى بيت فى الوقت ده انهم يروحو محل حلويات ويشتروا العلبه الجميله بتاعت حلاوة المولد .. وعلى الرغم ان فى محلات دلوقتى بتبيع العلبة دى بأرقام خزعبلية –700 جنيه للعلبة – بس برده فيه محلات تانيه بتبيع باسعار كويسه للكيلو ابتداء من 50 جنيه , مع الفارق طبعا بين العلبتين لان اكيد العلبه ام 700 جنيه هتكون محتوياتها فيها مكسرات عشان كدا هيا غاليه اما التانيه هتكون اعلى حاجه فيها الفوليه (السودانيه )

hhlll.jpg

محتويات العلبة
اشكال وانواع كتير تعالو اعرفكم عليها

الفستقية

foo.jpg

ودى اغلى قطعه فى العلبة كلها وطبعا عشان كيلو الفستدق غالى جدا العلبه ممكن يكون فيها قطعه او اتنين بالكتير منها ودى غالبا اول حاجه بتتاكل فى العلبه

اللوزية 

372528_dreambox-sat-com.jpeg

نفس فكره الفستدقيه بس لوز بدل الفستدق

البندقية

moulid-1.jpg

برده نفس فكره بس بتكون عباره عن قرص بندق

قرص الكاجو

ppppyyyy.jpg
ودى غالبا مش بتكون موجوده غير فى العلب الغاليه جدا ودى لو انت من الطبقه متوسطة الدخل اعتقد ممكن تكون ماشوفتهاش قبل كدا لان مش اى حلوانى بيعملها

( الاربع حاجات اللى فوق دول مش هتلاقيهم غير فى العلب بتوع ولاد الناس اللى سعرها مش هيقل عن 300 جنيه )

الفوليه

maxresdefault.jpg

اشهر وافضل قطعه فى العلب المتوسطه السعر وبيكون عليها اقبال رهيب برده وفى ناس بتروح اصلا تشترى كيلو فوليه بديل عن العلب المشكله لان بيبقى عليها اقبال كبير فى البيت

الحمصية

f2178b8a-65bc-47c6-8bb1-adc14a56e858.jpg

بيعشقها اللى بيحبوا الحمص وبتعتبر من القطع الرخيصه

السمسية

da9b90d860bdfea1214e44b9ed27a79d552ae109.jpg

نفس الفكرة لكن معمولة من السمسم

حلاوة الحمص

homoo.jpg

ودى بتبقى من اخر الحاجات اللى بتتاكل

اللديدة

2016_11_28_14_14_29_366.jpg

وفى منها نوعين البيضا والحمرا .. ومعظم الناس بتميل للحمرا عشان بتكون نسبة السكر اللى فيها عاليه شويتين

الملبن

kkk.jpg

وده تقريبا ممكن ينشف ومايتكلش وفى الاغلب بنرمى العلبه بيها


شارك هذا المقال: