الحضري البخيل فى كل شئ إلا التألق

فريق راجل. دوت كوم

عصام الحضري إسم فرض نفسه على تاريخ الكورة المصرية بكل قوة ... لاعب عنده 43 سنة وجسمه ولياقته أفضل من لاعبين عمرهم نص عمره ..
كلنا بنتتابع تألق الحضرى مع منتخب مصر لحد دلوقتى بمزيج من الإعجاب والإستغراب .. إزاى الراجل ده مكمل لحد دلوقتى بكل التألق ده .. دورنا شوية وشفنا إن الأسباب ممكن تتلخص في :

الإخلاص

free-1615590052801983104.jpg

الحضرى مخلص لنفسه جداً وفيه فرق كبير بين انك بتحب نفسك وإنك تخلصلها ..
لو بتحب نفسك بس ممكن تأذيها بدافع الحب لكن لو مخلصلها هتعمل كل شئ يخليها أحسن ، يمكن تفلت منك مرة او اتنين وتفكر غلط زى الحضرى ماعمل فى قصة هروبه من الاهلى اللى بيندم عليها كل يوم .. بس المهم انك تعرف انك غلط وترجع تكمل تانى .

التحدي

57920-99c0bb22b1c764c800124c7463158b4c.jpg

كتير اتريقوا عليه لما كان بيقعد احتياطي او لما كان بيغلط فى الفرق اللي لعب فيها لما رجع مصر بعد الاحتراف فى سويسرا .. التريقة دي كفيلة انها تهد اي طموح واى حماس إلا ان الحضرى كان بيعتبرها وقود بيشحن بيه إرادته الحديدية وتحدي الجميع انه يرجع تانى رقم 1 فى مصر ونجح !

المجد

603.jpg
تعرف ان الحضري اكتر لاعب افريقي حاصل على بطولات والقاب ؟ واكبر لاعب مصري سناً مشاركة مع المنتخب وعنده ارقام قياسية لا حصر لها .. بس هو بيسعي لمجد تانى خالص وهو انه يكون اكبر لاعب فى العالم سناً يمثل منتخب بلده فى كاس العالم ولو وصلنا للبطولة الجاية فى روسيا والحضرى كان واحد من لاعبي المنتخب هيكون عنده ساعتها 45 سنة ! متخيل

فى النهاية الحضرى كلام كتير بيتقال عن بخله من الناحية المادية وحبه للفلوس والتحويش والبيزنس وده شئ ميعيبوش ابداً طالما بيحقق شغله وشخص ناجح ومش بخيل أبداً فى التمرين والتألق والإجتهاد ... لو كل واحد عمل زى الحضرى هنبقا دولة عظمي !


شارك هذا المقال: