أسباب لعدم الإرتباط ببنت بتشتغل فى ال HR

أحمد رحال
شارك هذا المقال:

لا توجد شركة أو بنك أو مؤسسة لا تحتوي على قسم Human resources الموارد البشرية اللي بيكون مسؤل عن توظيف الأشخاص و تظبيط مرتباتهم في المكان و كمان مسؤل عن تسليم ورقك و نهاية الاجراءات لو بتسيب الشغل يعني من الآخر هي أول أدارة بتقابلها لما تروح شغل جديد و

أخر أدارة لما بتسيب شغل قديم سواء بمزاجك أو غصب عنك !

موظفين وموظفات الHR شخصيات ذو مواصفات خاصة و طبيعة مميزة بيكتسبوها من خبرتهم في العمل مع كافة الشخصيات اللي بتعدي عليهم عشان كدا يا صاحبي لو وقعت فى بنت بتشتغل فى ال HR خلي بالك من الكلام القادم عشان مهم لك !

التقييم خسرنا كتير 

1.jpg

بص يا معلم من قبل ماتخرج معاها أصلاً أعرف أنك موضوع تقييم , هيتم تقييم خبراتك و الأكونت بتاعك على فيسبووك و تويتر و بصه سريعة على الأنستجرام هتهرش فصك كما لو أنك مقدملها C.V  بالظبط وعلى اساسه هترضى تخرج معاك ولا لأ !

اللقاء الأول = أنترفيو 

2.jpg

لو وافقت تخرج معاك فى لقاء -ودا من سوء حظك على فكرة- أعرف أنه هيتحول بشكل تلقائي الى أنترفيو زي بتاع الشغل هي هتسأل و أنت تجاوب و هتختبر حركاتك و ريأكشناتك و طريقة أكلك و شربك ولو عجبتها هتبدأ تقولك شروط العلاقة اللي هتكون أنت ملتزم بها كعقد بداية الشغل !

العلاقة بتتحول لأرقام 

3.jpg

لو دخلت معاها فى علاقة إعرف إن العلاقة بتتحسب بالأرقام يعني كلمتها كام مرة فى اليوم, بعتلها كام ماسدج على واتساب, بتتقابلوا كام مرة فى الأسبوع, هو دا المقياس الحقيقي بالنسبة لها لنجاح العلاقة لأن حياتها العملية كلها بتدور حول الأرقام !

هاتلي المدير لو سمحت 

unnamed-1-.jpg

المشكلة مش أنك لوحدك هتبقى تحت التقييم لأ كل حاجة فلو خرجتم فى مكان هيبقى المكان تحت التقييم و العاملين فى المكان تحت التقييم و نظافة المكان تحت التقييم و مش بعيد تلاقي كل خروجة خناقة تبدأ مع أحد العاملين في المكان بسبب أن فى حاجة مش عجبها وتنتهى الخناقة بجملة " هاتلي مديرك لو سمحت " !

 تقدر تقنعك بالحاجة و عكسها 

5.jpg

عندها موهبة أنها تقنع الموظفين بقواعد الشركة فعندها قدرة رهيبة انها تقنع آي شخص بآي حاجة حتى لو كانت هي مش مقتنعة بالكلام دا شغلها يا معلم يعني مش هتسلك معاها .

هتعملك تحليل مخدرات !

-6-1.png

كتير من الشركات و المصانع بتعمل تحليل مخدرات مفاجئ للعاملين بها و مش بعيد تلقيها هي كمان بتطلب منك دا أو على الأقل هتعملك أختبارات مفاجئة للعلاقة كل شوية عشان تضمن سلامة العلاقة فحتحس أنك في موضع أختبار طول وقت العلاقة و دا أحساس ربنا مايكتبه على حد .

نهاية العلاقة زي شكة الدبوس

7.jpg

دي الميزة الحقيقة للعلاقة دي بقى يا معلم , أنها تقدر تنتهي بسهولة و لكن من جانبها عشان برضه شغلها بيخليها تنهي العلاقة و التعاقد مع موظفين كتير فبيبقى عندها الموهبة أنها تخلص العلاقة بسهولة , بس لو أنت بقى قررت تنهي العلاقة هتزعل جامد !