أكتر شخصية مكروهة فى مصر بعد راموس

أحمد صلاح

تفتكر كدا ممكن مين يكون اكتر شخص مكروه فى مصر فى الوقت الحالى طبعا بعد لاعب ريال مدريد " راموس " اللى تعمد اصابه "محمد صلاح " ؟؟!!


بما اننا فى موسم درامى فأكيد هتكون الشخصيه اللى المصرين كارهنها ومتأثرين بيها هتكون فى مسلسل .. بالظبط كدا والشخصيه دى هيا " الريس حربى"
اللى متابع مسلسل طايع بتاع عمرو يوسف هو اكيد هيكون عارف مين هو الريس حربى ..

maxresdefault.jpg


الممثل " عمرو عبد الجليل " عامل دور صعيدى وزعيم عصابه تهريب اثار بس اداءه عبقرى وبرده ماخلاش من الكوميديا الخفيفه ..


انما بقه تويتر من امبارح وهو مقلوب عليه .. شوفنا فى الحلقه الـ 16 مشهد قتل فواز " احمد داش" اخو طايع اللى هو عمرو يوسف .. وكلنا اتأثرنا بس يعنى دور فواز مكنشى كبير فى المسلسل وقولنا اهو لازم المؤلفين يعملوا تضحيه عشان يشدو المشاهد للمسلسل .. انما اللى حصل فى الحلقه 18 دا مايتسكتشى عليه ابدا وكان غير متوقع وهو قتل البطله مهجه " صبا مبارك " على ايد الريس حربى غدر بعد ما ابوها اتنازل عن العموديه .

FFFF.jpg
كان مشهد مؤثر جدا وصعب وفكرنا بمشهد موت منه شلبى فى فيلم "واحد من الناس "
لان القصه فى الحلقات السابقه كانت مبنيه على قصه الحب اللى كانت بين طايع ومهجه
اسيبكم تتفرجوا على المشهد


ياترى المسلسل هيكمل ازاى ؟؟ وفعلا كده مهجه ماتت خلاص ؟؟ وهل بكده طايع الريس حربى هيوصله بأنه ينتقم بأيده لحبيبته مهجه  .. دا اللى هانشوفه فى الحلقات الجايه



شارك هذا المقال: