غالي .. كابيتانو غيور ولا مجرد مغرور ؟

فريق راجل. دوت كوم


حسام غالي لاعب النادى الاهلى ومنتخب مصر حالياً وتوتنهام الإنجليزى السابق كل فترة بتدور حواليه إشاعات وكلام من نوع إنه عصبي وبيشتم اللاعيبة زمايله فى الملعب فى نفس الوقت اللى كتير من اللى عاصروه نفوا ده تماماُ ..

64df35gh4-650x325.jpg

الغيرة والحماس ممكن تقلب للعكس ؟
غالى من نوعية اللاعيبة الرجالة فى الملعب اللى بتفوت على الكسل اى فرصة مبيسيبش مجهود من غير مايبذله وليه لقطات ومواقف كتير بتدل على كدة ..

البعض بيعيب على غالي حماسه الزيادة عن اللزوم .. اه لازم تتحمس وتبقا غيران على فرقتك وعلى نفسك بس كل حاجة بحدود .. تهور غالى قبل كدة فى رحلته الاحترافيه لما رما تيشرت توتنهام على الارض اعتراضاً على التغيير غير مسار حياته تماماً من لاعب محترف مشهور وعالمى للاعب محلى جوة مصر ..

وف نفس الوقت غيرته وتهوره احياناً فى الملعب ياما كسبت فريقه وخلت زمايله ياكلو النجيله يا اما بتعليماته وزعيقه يا اما كسوف من ان الكابتن بيمرمط نفسه واحنا منعملش زيه ..


ازمة اخيرة واجهت غالى مع جهاز المنتخب اللى استبعده لانه دافع عن بعض من زمايله الاهلاوية داخل المعسكر اللى فات .. الناس حولتها لأهلى وزمالك .. بس احنا مش عايزين نعمل كدة ونتمني الازمة تنتهي بسرعه .. بس السؤال ..انت كمشجع بتفضل ايه ؟
غالي الغيور الحماسي المندفع ؟ ولا غالى اللى عنده حسابات بحكم الموقع والسن والخبرة ؟

مع موقف المنتخب فى استبعاده للأسباب دى ؟ ولا طالما المنتخب محتاجه فى الملعب لازم يحط المصلحة فوق اي اعتبار ؟


شارك هذا المقال: