آخر تلات كاميرات GoPro

عمرو موسى

في الفترة الأخيرة انتشرت كاميرات ال GoPro بشكل كبير، وده لهوس الناس بالتصوير وتطوره بداية بالسيلفي لحد التصوير في البحر أو وهما بيعملوا أي أكشن ..كاميرات ال GoPro الرياضية زي مابيسموها أثبتوا إنهم من أحسن الكاميرات في الوقت الحالي لإمكانيتهم العالية، تحملهم للظروف الصعبة من مياة وتراب، وكمان سعرهم المعقول إلي حدا ما بالنسبة لإمكانيتهم وده اللي يخلينا نقول إنها الإختيار الأمثل لو بتحب تسجل اللحظات الحلوة في حياتك سواء في السفر أو حياتك اليومية، دول أشهر وأجدد 3 كاميرات GoPro من سلسلة HERO4 وأهم مميزاتهم:

HERO4 Silver

Hero4-Silver.jpg

الكاميرا بتصور صور بجودة 12 Megapixels وبتصور فيديو بجودتين مختلفين 1080p وده الأعلي بس من المعروف إنه بياخد حجم أكبر من الذاكرة، و 720p وده بياخد حجم أصغر مع جودة أقل. الفيديوهات بتوصل سرعتها لـ30 fps (Frames per Second

وزن الكاميرا 89 جرام واللي بيتعبر خفيف جدًا، ولما بتتحط في الجراب المضاد للمياه بيوصل وزنها الِي 152 جرام اللي بيخليها برضه لسه خفيفة وينفع تاخدها معاك في كل مكان، بتتميز بشاشة Touch بتقدر تصور من خلالها وكمان تعرض الصور والفيديوهات، وتظبط Mode التصوير وبسهولة تقدر توصل لكل الـSettings اللي محتاجها

الكاميرا فيها من بعض مميزات الكاميرات البروفشنال ومنها:

 :Time Lapse

اللي بتخليك تقدر تصور  مثلا شروق الشمس  كامل وتعمله في فيديو صغير سريع

:Night Lapse

  في الضوء الضعيف أو الأماكن المضلمة

 :Super View

 من أشهر مميزات ال GoPro اللي من  خلالها بتقدر تصور بأكبر Wide Angle ممكنة 

Quick Capture

اللي من خلالها بتلقط الصورة في اقل وقت ممكن

الكاميرا مضادة للمياه حتي 30 متر عمق و كمان مضادة للأتربة

 

سعرها: 399 دولار

HERO4 BLACK

Camera-Silver-Hero-4.png

هي النسخة الأعلى من  HERO4 SILVER  وأحسن كاميرا GoPro موجودة علي حسب كلام الموقع الرسمي، بروسيسور أسرع مرتين وبتصور فيديو بدقة 4K يعني بجودة أعلي من الـ HERO4 SILVER بأربع مرات وأسرع مرتين، فيها كل المميزات اللي ذكرناها في  الـHERO4 SILVER  ما عادا حاجة واحدة بس، مفيهاش شاشة Touch

سعرها: 499 دولار

HERO4 SESSION

Hero4-Session.jpg

هي أحدث كاميرا GoPro موجودة، أصغر بـ 50% من الكاميرتين السابقين، وأخف 40%، اللي بيخلينا ممكن نقول عليها متناهية الصغر، يعتبر مالهاش Body أصلًا، مفيش غير الـ Lens 

بتصور صور بجودة Megapixels  8 وفيديو بجودة 1440pو 1080p أو 720p ومضادة للمياه حتي 10 متر

HERO4 SESSION  إمكانيتها أقل من الكاميرتيين التانيين واللي بيميزها هوا صغر حجمها بس برضه فيها المميزات الأساسية زي ال Time Lapse ،Auto Light  و Wide Super

أهم ميزة فيها إنها Flexible إلي أقصي وبتقدر تصور 360  درجة وتعتبر الإختيار الأمثل لو هتستخدمها أكتر في حياتك اليومية. 

سعرها: 399 دولار. 

التشابه:

الـ٣ كاميرات فيهم Wi-Fi و Bluetooth بتقدر من خلالهم توصلهم بالموبايل أو التابلت، كمان ممكن تشتري Smart Remote اللي بيخليك تقدر تتحكم فيها من علي بعد أكتر من 180  متر أو تنزّل الأبليكاشن فتقدر تتحكم فيها من الموبايل. 

آخر حاجة GoPro بتوفر Software للتعديل علي الصور والفيديوهات اسمه GoPro Studio بتقدر تستخدمه بكل سهولة علشان تعمل أي إيفيكت.


شارك هذا المقال: