إزاى تتعامل مع google maps علشان ميسوحكش !

أحمد صلاح

Here maps , apple maps , waze كل دى برامج ملاحه او جى بى اس موجوده فى موبيلاتنا بس الاقوى منهم واللى فارق عنهم هو google maps واللى بينزل فى كل الموبيلات اللى نظام تشغيلها اندرويد .. جوجل مابز بقه اسلوب حياه مع ناس كتير ويمكن ده من اهم التطبيقات فى الموبايل وللأسف ناس كتير مش عارفه الموضوع دا .. وفاكرين ان جوجل مابز مجرد برنامج بيعرفك الطريق زى زمان .. لا الموضوع مختلف وكل فتره بيبقى فى تحديث وتطوير فى البرنامج

هنتكلم انهارده عن اهم ميزه على الاطلاق اللى هيا " traffic " وازاى بتشتغل

الترافيك ده بيقدر يقولك المكان اللى انته رايحه دا هتروحه فى وقت قد ايه ؟! وده بناء على حركه المرور وسرعه الطريق يعنى اذا كان الطريق ده متعطل وفيه حادثه مثلا او حركته سريعه .. وعشان تشغله افتح جوجل مابز واختار حركه المرور من هنا

a2.png

طيب ازاى هما بيعرفوا حاجه زى كدا ودا السؤال اللى بيفكر فيه ناس كتير ؟

ده بيتم عن طريق حاجه اسمها خواريزمات التوجيه routing algorithms وده بيكون على شويه بيانات من الماضى على بيانات من الوقت الحالى فبيقوم التطبيق موجهك للطريق الاسرع وعشان كدا وانت مشغل التطبيق تلاقى كل شويه يقترح عليك طريق بديل .. والبيانات دى بتتبعت من

موبيلاتنا كل يوم وانت رايح لشغلك وانت راجع من شغلك بطرق خفيه فى نظام اندرويد نفسه وطبعا مع العدد الهائل دلوقتى لموبيلات الاندرويد عشان كدا جوجل مابز بيفوق على اى برنامج تانى

444444.png

وعشان كدا انت قبل ما تروح اى مشوار بعيد عليك بالعربيه لو عايز تعرف الطريق ده فى الوقت الحالى زحمه ولا لا .. افتح جوجل مايز وشوف لو الطريق لونه احمر يبقى دا معناه انه زحمه ولو لونه افتح شويه يبقى اقل زحمه لغايه اللون الاخضر اللى هو الطريق فاضى ..

222222.png

وممكن تعرف برده فى المستقبل الطريق هيكون عامل ايه يعنى لو انت رايح مشوار بكره .. ضغط على حركه المرور المباشره وخليها حركه المرور المعتاده وهات الوقت اللى انت هاتروح فيه وهو هيقولك 

3333.png

مش كده وبس انت ممكن تستخدم البرنامج فى انك تعرف مكان الردارات والكماين فين يامعلم .. ودى لو انت مسافر خلى اللى قاعد جمبك يفتح جوجل مايز ويجيب الطريق اللى انتوا ماشيين فيه لو لقيت قدامك جزء أحمر زى دا تعرف ان كدا فيه وقفه قدامك ودا غاليا يا اما هيكون الكمين اللى هتدفع فيه يا اما حادثه او حاجه موقفه الطريق


شارك هذا المقال: