جولة داخل فورد فوكس 2016 .. ولسة ياما إنبهارات !

كيرلُس إدوارد
شارك هذا المقال:

هنري فورد قال " الجودة تعنى ان تؤديها علي وجهها الصحيح حين لا يراقبك او يراك احد"

1.jpg

فورد مصر - توكيل اوتو جميل قدم لينا الفورد فوكس الجديدة بموتورها الي سعته 1.0 لتر فقط! علي عكس الموديل الاقدم الي كان 1500cc و بيقدم 150 حصان لذلك التوقعات كانت مختلفة جداً علي الموتور ده لانه بيقدم 123 حصان فقط.

2.jpg

الاداء:

اكتر نقطة كنت حابب اعرفها لما وصلت علشان استلم السيارة للقيام بتجربة القيادة هي العزم و الموتور العربية بتقدم موتور 123 حصان و عزم 150 نيوتن/متر و بينقلنا الحركة فتيس اوتوماتيك 6 سرعات بيقدروا يوصلوا بالعربية البالغ وزنها 1500 كيلو تقريباً (حسب كلام مندوب المبيعات). لسرعة من 0 - 100 في 9.5 ثانية فقط.

العربية في البداية هتحس بالـ turbo lag و انها بتتاخر في انها تديك العزم و لكن الشد و الجري مش من الحاجات الي العربية معمولة عشانهم اهم حاجة فيها توفير الوقود علشان كدا بتعمل حوالي 17 كيلومتر/لتر.

من الحاجات المميزة في العربية خاصية انك لما تقف في اشارة و تجيب العربية علي N بتطفي علشان توفر بنزين و لما بتدور تاني لما تجيبها علي D الموتور بيدور براحة مش بيهز العربية كلها زي عربيات تانية.

الثبات:

ثبات العربية كويس انا موصلتش لسرعة عالية بيها بس حسب كلام المبيعات انها وصلت ل 200 كيلومتر/ساعة و الثبات كان كويس معروف ان فورد ثباتها محترم و ال safety فيها كويسة.

الامان:

-كل الفئات موجود بيها 4 اير باج.
-نظام ثبات الكتروني ESC.
-ABS and Traction Control.
-كاميرا خلفية واسعة جداً.

3.jpg

الرفاهية و التجهيزات:

-انت تقريباً تقدر تتحكم في كل حاجة من غير ما ترفع ايدك من علي الدريكسيون الي هو اصلاً مميز جداً و جلد و مريح للايد.
-كمبيوتر رحلات و عدادات ديجيتال.
-صوت السماعات كويس جداً.
-شاشة و ممكن توصل موبايلك بلوتوث و فيها امكانيات تانية.
-كاميرا خلفية.
-الشنطة زي كتير من العربيات بتفتح بدوستين لوحدها.
-كرسي السواق مريح.
-اماكن كتير للتخزين و cup holder و ممكن لما تحط الكان او الازازة تقفل عليها كويس بحيث متتحركش.
و حاجات تانية كتير.

4.jpg

الانطباع العام عن السيارة:

فورد فوكس عربية معمولة اكتر للشباب او الاسر الصغيرة لانها من جوة مش كبيرة اوي لكن لو عاوز الامان اكيد هتختارها, العربية هتحسسك بالفخامة و الرفاهية خصوصاً مفيش عربيات كتير في رينج السعر بتاعها. الموتور ال1000cc مناسب جداً للاستخدام اليومي و توفير الوقود و عفشتها مريحة و ناعمة.

الاسعار و الفئات:
العربية موجودة باربع فئات Base,Sport,Trend,Titanim
و سعرها بيبداً من 204,000 لحد 260,000 جنيه مصري.