أخطاء كارثية فى مظهرك تفقدك هيبتك مع الستات

فريق راجل. دوت كوم

حاجات كتير بنلبسها ومتعودين عليها ممكن تكون سبب فى إن الجنس اللطيف يبعد عنك أو ميحسش بهيبتك كراجل لو انت لابسها ..
تفاصيل بسيطة جداً ممكن انت متاخدش بالك منها لكن هم بياخدوا بالهم من كل حاجة وبتفرق معاهم جداً ..
هنقولك على كام كارثة ممكن تعملها تقفلهم منك من غير ماتفتح بقك حتى !

1 – الكروكس
والله العظيم الكروكس شبشب ! مش جزمة ولا حاجة شيك خالص ، هو مجرد شبشب طبي مقفول !

10001_4O5_ALT100.jpg

2- الشراب الطويل المدلدل
بص الشرابات الطويلة عموماً مبقتش مستحبة ، فلو متعود تلبسها علشان تدفي حاول تنقي الألوان الغامقة والشراب لازم يكون نضيف والاستيك بتاعه مشدود مش مرخي ومدلدل ولونه أصفر ولا احمر !

4Guys_DS-DS-002_All-1000x1000.jpg

3- طرف الحزام
لو حزامك طويل لازم يتقصر ، الحزام من اول الحاجات اللى عينهم بتقع عليه ، مينفعش بعد ماتحط سن الحزام فى الإبزيم بتاعه يبقا فاضل منه اتنين متر طالعين لقدام !

Mens-Leather-Belts-for-Every-Occasion.jpg

4- الأكمام الطويلة
متقولش القميص او الجاكت مظبوطين بس الكم طويل شوية مش مشكله ... لا دى مشكلة كبيرة جدا جداً بتخلى شكلك وحش ومش بيبين اى اناقة !

it801-1.png

5 – تحديد الدقن
فيه فرق كبير بين تحديد دقنك وتهذيبها .. التهذيب يعنى تشيل الزوايد شوية من فوق وشوية من تحت ، لكن التحديد انك تخلى دقنك نازل خط طويل بيتلاقي مع خط بالعرض ! بيبقا شكلها منفر جداً لأى حد بيشوفك !

JTM-026731.jpg


شارك هذا المقال: