تتكلم عن حاجة تلاقي اعلاناتها على فيسبوك قدامك !

أحمد صلاح

تكون قاعد مع واحد صاحبك ومفيش غيركم انتوا وموبيلاتكو اللى فى جيبكو وممكن تقوله انا عايز اشترى تكييف وتدردش معاه شويه فى الموضوع وتقومو مروحين .. وبعديها تفتح الموبايل بتاعك وانت قاعد على الفيس واذ فاجأه تلاقى كل البوستات اللى قدامك خاصه بالتكيفيات اه والله .. تلاقى واحد منزل سؤال على جروب " ياجماعه عايز اشترى تكييف اهنى نوع افضل " والبوست اللى بعديه تلاقى " اعلان عن تكييفات " ؟؟!! طيب أزاى ياجدعان .. هو ايه اللى بيحصل دا .. ازاى الفيس عرف انى عايز تكييف مع انى ماتكلمتش غير مع صاحبى دا ...

facebook-privacy-settings.jpg


بيحصل معاك الموضوع دا ؟؟ ناس كتير الفتره الاخيره واخده بالها من الموضوع دا .. وبتقول انه بيحصل فعلا


وفيه تفسيرين هنا

التفسير الاول هيكون علمى للموضوع دا والتفسير التانى هو ان الفيس بيتجسس علينا
بالنسبه للتفسير الاول وهو ان انت لما بيكون عندك حاجه شاغله تفكيرك او عايز تشترى حاجه فبتقوم داخل على جوجل وباحث عن الموضوع دا ومش شرط جوجل ممكن لو هتشترى حاجه تقوم داخل على جوميا او سوق دوت كوم مثلا وباحث عن المنتج دا .. وبما ان فيه ربط فى الوقت الحالى بين اعلانات جوجل والفيس فهيكون هو دا السبب ان انت دخلت داتا عن الحاجه دى وبالتالى الذكاء الصناعى عرف انت اتجاهاتك ايه او بتفكر فى ايه فبالتالى هيعرضلك على الهوم بتاعتك كل اهتماماتك

facebook-privacy.jpg


التفسير التانى بقه واللى ناس كتير بتحلف بايمنات ربنا انهم مدخلوش اى داتا على جوجل او غيره وكل اللى بيجى فى دماغهم ان الفيس بيتجسس عليهم وبيكون فيه تصنت على كلامنا وبالتالى ممكن ياخدو من كلامنا كلمه احنا بنرددها فى كلامنا كتير تتحول لفويس مسج وبالتالى يبدأ يعرض لنا اهتمامتنا

privacy-300x262.jpg


ولو فعلا التفسير التانى دا طلع حقيقى تبقى مصيبه وبكده نكون احنا فى ايدينا جهاز بيتجسس علينا فى كل حاجه بنعملها فى يومنا وبالتالى عارفين توجهتنا كلنا .. ويمكن بعد اخبار تسريبات الفيس بوك الاخيره واللى باع فيها الفيس بيانات 50 مليون مستخدم لصالح حمله الرئيس الامريكى ترامب كلنا هنبدأ نشك ونقول مش بعيده فعلا يكون فيه تجسس .. على اى حال خلينا دايما لما نتكلم عن اى حاجه خاصه اتأكد ان الواى فاى مقفول وحاول ماتنقلشى حياتك الشخصيه كلها على الفيس بوك


شارك هذا المقال: