بالفيديو : شاهد تعامل مصري على وضعه مع مسلح فى نيوزيلاندا

عمرو موسى


سيد أحمد, واحد من مصريين كتير من اللي عندهم مطعم أكل مصري برا, في ليلة عشوائية جدا وهوا شغال في المطعم أثبت إن اللي بييجي علي المصريين في أي حتة مبيكسبش حتي لو إيه.

سيد كان عنده زبون في المطعم وبيجهزله الأكل, فجأة دخل عليه واحد لابس إسود وماسك مسدس وطلب منه كل الفلوس اللي في المحل, طبعا كان متوقع إن سيد زي أي حد هيتوتر من شكل المسدس ويقوم مطلعله كل الفلوس اللي في المحل, لكن كأي مصري علي وضعه جدا سيد راح سايبه كإنه ماشفش حاجة وراح يكمل تحضير الأكل للزبون عادي جدا, بعد كده إدي الأكل للزبون عشان يمشيه وراح المطبخ يجيب التليفون عشان يكلم البوليس, كل ده في هدوء جدا كأن الحرامي ماسك بالونة في إيده مش مسدس, الحرامي فضل واقف كدة لمدة 10 ثواني مش فاهم اللي قدامه ده عبيط جدا ولا ذكي جدا ولا إيه بالضبط, بعد كدة فقد الأمل ومشي

سيد بيحكي في إنترفيو إنه في الأول كان فاكره زبون عادي عشان كدة راحله وهو بيضحك عشان يعرف الأوردر بتاعه, بعد كده لقاه لابس ماسك في وشه ومش باين غير عينه فخد باله إنه حرامي, في لحظتها فكر إن ده جاي عشان يسرقه مش جاي عشان يقتله فمفيش خطر عليه, وده اللي خلاه ينفضله تماما كأنه ماشفش حاجة لحد أما الحرامي فقد الأمل ومشي

عشان يا عم سيد, ربنا يحميك وتفضل مسيطر في نيوزيلندا كدة علي طول


شارك هذا المقال: