يعنى إيه تحرير سعر الصرف ؟ وهيأثر علينا فى إيه ؟

فريق راجل. دوت كوم

ايه هو تحرير سعر الصرف أو تعويم الجنيه ؟

المقصود بالتحديد تعويم الجنيه امام الدولار وهو ان البنك المركزى يخلى سعر الجنيه قابل للطلب والعرض بمعنى ان مش هيكون فيه سياسة نقدية لتثبيت سعر الجنيه مقابل الدولار عند 8.88 .. او بمعنى أخر انهم هيخلو الجنيه يظهر بقيمته الحقيقية وغالبا هتكون قريبه من السعر فى السوق الموازى ( السوق السودة ) الى هو بدأ بــ 13 جنيه النهاردة ...

يعنى من الاخر تحرير سعر الصرف هيخلى سعر الجنيه ينخفض امام الدولار وده ليه ؟ لان الطلب علي الدولار كبير جدااا وفى نفس الوقت فيه ندره وعدم وجوده بالتالى هيرتفع سعر الدولار ويقل الجنيه ( وطبعا اسباب ندره الدولار هى انخفاض المصادر الى بنحصل عليه منها زى السياحة وقناة السويس وتحويلات الدولار من العامليين بالخارج )

-.jpg

ليه تم تحرير سعر الصرف ؟
ببساطه لان مصر بتحتاج بتصرف 90 مليار دولار سنويا فى حين الايراد لا يتعدى 50 مليار دولار سنويا فهنا فى عجز تقريبا 40 مليار كل سنه مطلوبه من الدوله توفيرها عشان تحافظ على سعر الجنيه قدام الدولار لان الـ 40 مليار دول المفروض ان دلوقتى احنا بنجبهم من المعونات والقروض من الدول الاجنبيه او من الاحتياطى ودا الى مش هنقدر نعمله بعد كده وده اللى سبب الأزمة الكبيرة اللى عايشنها بقالنا فترة .. فممكن التحرير ده يعمل تحسن نسبي

تعويم الجنيه هيأثر علينا فى ايه ؟

1/ ارتفاع الاسعار بشكل عام
وده بسبب ان نسبة كبيرة من السلع الى بنستهلكها مستوردة وبالتالى فسعرها هيزيد جداا بسبب ارتفاع سعر الدولار

2/ ارتفاع الدين الخارجى
ببساطه لاننا بندفع الديون بالدولار فبالتالى لما تكون الدوله مطالبة بدفع مليار دولار بدل ماكان بتساوى 9 مليار جنيه هتبقى ب 13 مليار جنيه

3/ زيادة الصادرات
المفروض ان ده هيكون من ايجابيات التعويم لان هيخلى عندنا ميزة بأن اسعار منتاجتنا هاتكون رخيصه بعنى بدل ما كنا بنصدر سلعة ب 100 دولار فدلوقتى سعرها هينخفض اكثر من 30% فبالتالى المفروض اننا نصدر اكتر .. بس السؤال هنا هوه احنا بنصدر اصلا ؟؟!

4/ ارتفاع اعداد السائحين
لان السياحة عندنا هتكون رخيصة فبالتالى المفروض ان ده هيزود اعداد الافواج السياحية لان السياحة عندنا هتكون رخيصة


شارك هذا المقال: