5 دروس تتعلمها من ترامب علشان تقلب التوقعات

أحمد سامي

فوز دونالد ترامب بانتخابات الرئاسة الأمريكية كان مفاجأة لناس كتير في العالم , ترامب اللي الاعلام العربي قبل العالمي صوره كمعتوه قد يشعل فتيل الحرب العالمية التالته – لأسباب قد تخدم سياسات قوي معينة – ماطلعش معتوه ولا عبيط ولا حاجة , ده راجل كسب انتخابات أقوي دولة في العالم بذكاء سياسي و تسويقي لازم نتعلم منه , بغض النظر انت وجهة نظرك فيه ايه , تعالوا نشوف ايه هي اهم دروس التسويق اللي ممكن نتعلمها من الحملة الانتخابية ل واحد من أقوي رجال الأعمال الأمريكيين  :

G1.gif

1- استخدم البراند الصح

شعار ترامب في حملته الدعائية كان ( اجعل أمريكا قوية مرة أخري ) , شعار أقوي بكتير من شعار كلينتون
( أقوي معا ) , شعار قدر يلعب علي احساس الأمريكان بالضعف و خيبة الأمل بعد 8 سنين من وعود كاذبة من أوباما اللي كان أمل كبير لناس كتير حول العالم بتحقيق عدالة من المفترض انها مستحيل تيجي من دولة قائمة علي استعمار الشعوب , ترامب أعطي احساس للأمريكان ان ممكن يكون ليهم دور حقيقي في تغيير أمريكا للأفضل ( مرة أخري ) , و ده في اشارة للعصر الذهبي للسياسة الأمريكية في الماضي .

giphy-facebook_s.jpg

في الجهة التانية , كلينتون استخدمت مصطلح مايع و تم استخدامه اّلاف المرات في حملات تسويقية , شعار زوّد خوف الأمريكان أكتر من عدم وجود جديد في سياسات كلينتون خصوصا انها كانت مشاركة بشكل رئيسي في سياسة أمريكا في فترة أوباما .
في علم النفس الناس بتميل لتجربة الحاجة اللي ميعرفوهاش في حالات الاحباط، كلينتون كانت مجربة قبل كده ,فا بالتالي جربوا حاجة جديدة.

2- اعرف عملاءك جيدا

G3.gif

ترامب في بداية مشواره الانتخابي عشان يبقي ممثل الجمهوريين في الانتخابات قال انه مش مهتم برأي الخبراء فيه , أو اد ايه هو ممكن يكون ليه حظوظ في كسب ثقة الأغلبية , ده لأنه كان بيركز علي شريحة محددة فقط , و هي شريحة الجمهوريين المستائين من سياسيات الحزب الديمقراطي , و ده خلاه يكسب ثقة الحزب بتاعه انه يترشح عنه .
في التسويق لازم تعرف ايه الشريحة اللي بتخاطبها عشان تبعتلها رسالة موجهة ليها هي فقط , مش لازم تعجب الكل .. عملاءك فقط !

3- الجدل قد يكون أفضل أساليب الاعلان .

G2.gif

في قاعدة تسويقيه بتقول - أي رد فعل هو رد فعل جيد لو عرفت كيف تستفيد منه – و ده اللي عمله ترامب ,لمدة سنة , في البداية الحملة من الاعلام الأمريكي و العالمي شرسة ضده , صورته ك- هتلر جديد , لكن بهدوء هو عرف يستغل الدعايا المجانية دي ليه , أعداؤه بكل سذاجة جذبوا الناس ناحيته , و هو بكل هدوء تدريجيا عرف يشرح أفكاره – الغريبة – للناس , لغاية ما ناس كتيرة اقتنعت بيه , و صوتوله .

4- خالف كل التوقعات و اخرج عن المألوف

g5.gif

ترامب قدم صورة جديدة للمرشح الرئاسي, مرشح بيتكلم عن مواضيع شائكة بألفاظ عامية و قد تكون وقحة كمان , لكن ده رسخ في صورة الناخبين عنه صورة المرشح الواضح , مش بتاع حوارات و أكاذيب . حتي لو جزء كبير من أفكاره عنصرية , لكن ده أعطي شعور للناخب انه صريح و مش هايكون بتاع كلام زي اللي قبله .

5- دع الاّخرين يستخفون بك

G4.gif

ترامب ضرب العالم كله قلم محترم , وده نتيجة لاستخفاف العالم بيه , ساب الناس كلها تتريق عليه و تستخف بأفكاره .. كلينتون كانت فاكرة انها كسبت تأييد العالم كله مش الأمريكان بس , في الوقت اللي ترامب صعد فيه بسرعة الصاروخ .
في التسويق , اللي يبان انه غلط ممكن يكون خدعة , و ساعة ما خصمك بيستهون بيك , بتكون اللحظة المناسبة عشان تديله الضربة القاضية .


شارك هذا المقال: