إختبار الكولا..تعرف تفرق طعم بيبسي من كوكا وإنت مغمض ؟

أحمد صلاح

بيقولك ثانى اكتر سائل بيشربه الانسان بعد المايه هيا المشروبات الغازيه .. البيبسى والكوكاولا .. أشهر المشروبات دى باعتبارهم أكبر شركتين فى العالم وده من سنين كتييييير اوى .. ودايما بنفكر ونبحث عن اي شركه فيهم أقدم ؟ واي شركه فيهم بتبيع اكتر وبتكسب أكتر ؟؟ ولان المنافسه مابينهم قوية جدا لدرجة الحرب فاقتصاديا ناس كتير بيطلقو على المنافسه مابينهم مصطلح "حرب الكولا "  

4341eea6-9b08-48c0-9558-ebcc68266cf2.jpg

فرق الطعم
هوه فعلا فيه فرق فى الطعم بين البيسبسى والكوكاكولا ؟؟ اعتقد الأجابه اه .. فيه فرق وده الى بيخلىنا نفضل مشروب منهم على حساب التاني .. يمكن انا مابحسش بفرق فى الطعم وبستغرب لما اروح كافيه واققوله مثلا عايز بيبسى يقولى اسف يافندم ماعنديش غير كوكاكولا .. ببقى عايز اققوله ياعم اى حاجه انا عايزها لونها اسود وخلاص

طيب هل انت تقدر تفرق بين الطعمين ؟؟
يعنى لو غمضت عينك وحد عملك اختبار وحط بيبسى وكوكاكولا فى كوبايتين وشربت شويه من هنا وشويه من هنا .. هتقدر تقول اه دا البيبسى ودا الكوكاكولا !!!!

طيب ولو قدرت تفرق مابينهم تعرف تفرق مابين البيبسى اللايت والكوكاولا اللايت ؟؟

88a60381-b3f1-4fc0-8005-fb64ea7e60a6.jpg

اي الشركتين اقدم ؟؟
الكوكاكولا هيا الأقدم من 130 سنه انما البيبسى من 123 سنه يعنى الكوكاكولا سبقت بيبسى بـ 7 سنين

صراع الشركتين
من 130 سنه بدأ انتشار الكوكاكولا فى أمريكا وكانت اقوى من البيبسى بعد ما حظرت الحكومة المشروبات الكحولية وبيبسى زى ماقولنا بدأت بعدها وواجهو الشركتين الكساد الكبير الى انتشر فى العالم فى الفتره دى .. وشركة بيبسى كانت قربت من الانهيار وعرضت نفسها للبيع للكوكاكولا أكتر من 3مرات ولكنها رفضت .. وطبعا ده القرار الى ندموا عليه فيما بعد

بيبسى استخدمت أسلوب ترويجى علشان تضرب كوكاكولا فقررت انها تنزل ضعف كمية ازازه كوكاكولا وبنفس السعر ..

وده عمل شعبيه كبيرة للبيبسى ولكن كان دايما الى بيشترى البيبسى الى مستواهم الاجتماعى قليل أو الفقرا

ce41aaf7-c43d-450b-b04e-d0945e526622.jpg

وحتى لما كان العائلات بيشتروه وبيقدموه للضيوف كانو بيخفوا شعار بيبسى او بيحطوه فى ازازة كوكاكولا للإحراج من سعر البيبسى الرخيص

كان دايما شعار كوكاكولا انه مشروب الحلم الامريكى الكلاسيكى وكان اعلاناتهم معظمها كان بيظهر فيها رؤساء امريكا وهما بيشربوا كوكاكولا زى الرئيس ايزنهاور مثلا

وفى اخر الستينات دفعت بيبسى فلوس كتير جدا للاعلان ومع سلوجان «تعال إلى الحياة.. أنت من جيل بيبسي"

وسنه 1983 قدرت بيبسى تتفوق على كوكاكولا باكتساح بعد اعلانات اختبار الطعم الى كنت بقولكم عليه فوق

وفى وقتها بدأ ناس كتير تحول مشروبها من كوكاكولا لبيبسى و قررت شركه كوكاكولا انها تغير طعم المشروب بتاعها

واتجهت لتزويد السكر فى المشروب بتاعها وده الى خلى ناس كتير تبعد عن المشروب لانهم مالقوش الطعم بتاع زمان

وبعد وقت طوييل .. تخلت كوكاكولا عن تغير الطعم ورجعت عن مشروبها القديم والمستمر لحتى اليوم وعلشان كده ممكن تلاقى ناس كتير بتنحاز لبيبسى لان طعم السكر اعلى ..

مين أعلى فى المبيعات الان ؟

عالميا كوكاكولا بتبيع اكتر من بيبسى ..
كوكاولا بتبيع مليار وسبعمية مشروب فى حين بيبسى بتبيع مليار مشروب بس سنويا
وبيقولك ان الكوكاكولا لايت هيا بحجم البيبسى ..

ودي خريطة لإستهلاك الإتنين حول العالم 

CocaColaVsPepsi.png


شارك هذا المقال: