قرعة التشامبيونز لييج وأهم المواجهات!

عمرو موسى
شارك هذا المقال:

اللي بجد بيحب الكورة في أي حتة في العالم، بالنسبة له التشامبيونز لييج تعتبر من مُبهجات الحياة. أصل أوروبا فيها أقوى الدوريات في العالم فـ طبيعي لما يتجمع أبطال وأوائل الدوريات دي في بطولة واحدة تبقي بطولة خارقة بيبدأ الكلام عنها من أول يوم إعلان قرعة المجموعات، زي ما بنشوف كل سنة البطولة بيبقي فيها ماتشات قوية من أول ماتش في شهر سبتمبر لحد الماتش النهائي في آخر شهر مايو. يوم الخميس اللي فات، القرعة أتعملت بالنظام الجديد اللي بيخلي بطل الدوري علي راس المجموعة والفرق التانية بتتقسم علي حسب التصنيف. معظم المجموعات كانت متكافئة بس برضه البطولة دايمًا بيبقي فيها مفاجآت خصوصًا في مرحلة المجموعات، حاولت أجمع أهم المواجهات اللي تستحق المتابعة في كل مجموعة..والأسباب مختلفة:

المجموعة الأولي: ريال مدريد - باريس سان جيرمان – شاختار - مالمو

Di-Maria0211.jpgمصدر الصورة: www.mid-day.com



أول مواجهة هتبقي بين انخل دي ماريا لاعب باريس سان جيرمان الجديد اللي جاي من مانشستر يونايتد بعد موسم واحد غير ناجح قدام فريقه القديم ريال مدريد اللي أكيد هيبقي عايز يثبت نفسه قدامه ويبين إنه صفقة ناجحة

تاني مواجهة هتبقي بين نجم باريس سان جيرمان زلاتان إبراهيموفيش قدام فريق القديم مالمو (أول فريق ظهر فيه أوروبيًا) إبراهيموفيش بيحب مالمو جداً وذكر في أكتر من مرة إنه نفسه ينهي مسيرته فيه، بس هيبقي إيه الوضع وهوا بيلعب ضده؟

المجموعة التانية: أيندهوفن – مانشستر يونايتد – سسكا موسكو - فولفسبورج 

manchester-www-newstylesportes-com.jpg

www.newstylesports.com: الصورة 

بيرجع مانشستر يونايتد تاني للتشامبيونز لييج بعد فشله في التأهل الموسم اللي فات لأول مرة من أكتر من 20 سنة، بالنسبة لي كل ماتشاته هتبقي مواجهات تستحق تتفرج عليها عشان نعرف هل يونايتد ابتدي يفوق من الوقعة اللي وقعها من ساعة رحيل السير أليكس فيرجسون ولا هتستمر المعاناة، خصوصًا مع عدمسهولةمنافسيه فولفسبورج الألماني وأيندهوفن الهولندي وسسكا موسكو الروسي.

 

المجموعة التالتة: بنفيكا – أتليتكو مدريد – جالاتاسراي - أستانا

lukas-2.jpg

مصدر الصورة: www.twitter.com

منافسة متكافئة بين بنفيكا وأتلتيكو مدريد وجالاتاسراي مع وجود فرصة أكبر للأخير خصوصًا إنه عمل ميركاتو جامد واشتري أكتر من لعيب كويس أهمهم لوكاس بودولسكي، مع اعتقادي إن مفيش أي فرصة لـ أستانا وهو الفريق الكازخستاني اللي نشأ سنة 2009 ومالوش أي تاريخ أوروبي وبيشارك أول مرة في دوري الأبطال.

المجموعة الرابعة: يوفنتوس - مانشستر سيتي – سيفيليا – مونشنجلادباخ

Monchengladbach-www-goal-com.jpg

مصدر الصورة: www.goal.com

تعتبر مجموعة الموت وأقوي مجموعة في التمن مجموعات، يوفنتوس اللي وصل السنة اللي فاتت للنهائي وخسر قدام برشلونة، مانشستر سيتي والسكواد القوي اللي بيعملوه كل سنة علي أمل المنافسة، سيفيليا بطل الدوري الأوروبي السنة اللي فاتت، و أخيرًا مونشنجلادباخ الألماني اللي أراهنك إنك ماحولتش حتى تقرا اسمه من كتر ما هو صعب. 

المجموعة الخامسة: برشلونة –  باير ليفركوزن – روما - باتي

Mohamed-salah-plus-google-com.jpg

مصدر الصورة: https://goo.gl/0auyny

المجموعة الأهم للمصريين لوجود روما فيها اللي بيلعب فيه محمد صلاح، أهم ماتشين يستحق إنك تتابعهم هيبقوا بين برشلونة وروما اللي العالم كله هيشوفه Totti vs Messi بس احنا المصريين هنشوفه Salah vs Messi

تاني ماتش هوا ماتش برشلونة وباير ليفركوزن لإن آخر مرة لعبوا بعض ليونيل ميسي جاب 5 اجوان وبقي أول واحد يجيب 5 اجوان في ماتش واحد في التشامبينز ليج، ده يخليك تسأل نفسك يا تري هيعمل فيهم إيه المرة دي؟

المجموعة السادسة: بايرن ميونيخ – أرسنال – أوليمبياكوس – جنك دينامو

arsenal-vs-bayren-youtube-com.jpeg
مصدر الصورة: www.arsenal.com 

المنافسة المعتادة بين ارسنال وبايرن ميونيخ، بقي خلاص لازم يتقابلوا علي الأقل مرة في الموسم في ماتش رسمي، أهم مواجهة في المجموعة اللي علي اساسها هيتحدد، هل ارسنال هيعرف يكسب بايرن ميونيخ ولا هتستمر السيطرة من الفريق الألماني؟ 

المجموعة السابعة: تشيلسي – بورتو – دينامو كييف – مكابي تل أبيب

Jose-Mourinho-www-standard-co-uk.jpg

مصدر الصورة: www.standard.co.uk

أهم مواجهة في المجموعة هتبقى بين تشيلسي وبورتو لسببين، السبب الأول إن بورتو هو الفريق الأول اللي نجح بيه مدرب تشيلسي جوزيه مورينهو إنه ياخد أول تشامبيونز لييج في تاريخه وتاريخ النادي، والسبب التاني هو وجود ايكر كاسياس حارس ريال مدريد السابق في صفوف بورتو ومشاكله الكتير مع جوزيه مورينيو لما كان مدرب ريال مدريد، المشاكل اللي خليت كاسياس يقعد لأول مرة علي الدكة، واللي سببت غضب الجماهير من جوزيه مورينيو وكانت سبب من أسباب رحيله

كمان مكابي تل أبيب أول مرة ينجح في الوصول لدوري المجموعات من كذا سنة وكان دايماً بيطلع من الأدوار التمهيدية، فهل هيعرف يجاري كبار أوروبا، ولا هيبقي في الأي كلام؟

المجموعة التامنة: زينيت – فالنسيا – ليون - جينت

 Valencia-team.jpg

مصدر الصورة: www.worldfootball.net

في الواقع، دي مجموعة عادية لا يوجد فيها أي مواجهة مهمة..وده من وجهة نظري.