5 حاجات مميزة لـ راجل برج الجدي

أحمد رحال

 رجالة برج الجدي هما مواليد مابين 21 ديسمبر و 19 يناير و الرجالة دي كتير من الناس ما بتفهمهاش و بيكونوا غامضين كدا و ماتفهملهمش حال , عشان كدا هقولك على 5 حاجات هتفهمك شوية عن شخصية راجل برج الجدي و عشان تبقى معايا على الخط هقولك عن أشهر رجالة برج الجدي زي الممثل ميل جيبسون و الممثل جيم كاري و كيفين كوستنر و المغني ألفيس بيرسلي و الملاكم محمد علي كلاي و عالم الفيزياء إسحاق نيوتن والمطرب المصري الكبير إيهاب توفيق .

ودي أهم 5 صفات ممكن تلاقيهم فى راجل برج الجدي

بارد من بره بس رومانسي ولذيذ من جوه

11.jpg

بالرغم من البرود الظاهر علي راجل برج الجدي من بره إلا أن اللي بيدور جواه حاجة تانية خالص لأنه رومانسي جداً بس مش ممحون و بيحب الهزار بس ما بيفكش بسرعة و بياخد وقت لحد مايظهر الجانب اللذيذ اللي جواه .

عاقل جداً بس مش تقليدي

unnamed-1-.jpg

من أكتر الأبراج اللي بتتميز بالعقل و الحكمة في أتخاذ القرارات في حياتها بس مش معني كا أنه تقليدي بالعكس هو بيكره الأشياء التقليدية و الروتين و بيحب يجدد في شكله و حياته على طول.

كئيب و متشائم بس بيحب الدلع 

unnamed-2-.jpg

راجل برج الجدي بيشوف الحياة بنضارة سوداء طوال الوقت وبيتوقع الأسوء فهو واقعي جداً لكن مع ذلك بيحب الدلع جداً وبيعرف يستمتع بالوقت ويدلع نفسه و يدلع اللي معاه ويخليه مبسوط ولكن كل دا مع لمسة الكآبة المستمرة !

عملي و دغري بس بيحب المظاهر 

unnamed-3-.jpg

من أكتر الرجالة العملين راجل برج الجدي بيعرف يخطط للمستقبل و مش بيحب اللف و الدوران فى الشغل و لكن على الجانب الآخر هو محب للمظاهر بهبل و ممكن يصرف كل اللي فى جيبه عشان يجب نضارة شمس حلوة مثلاً !

أناني وبتاع مصلحته بس حنين وجدع

unnamed-4-.jpg

بالرغم أن راجل برج الجدي له مبدأ مصلحتك أولاً إلا أنه حنين و جدع جداً بس مع الناس اللي بيحبهم و ممكن يضحي عشانهم بس غير كدا هو مايعرفش إلا نفسه !


شارك هذا المقال: