بيف أور تشيكين ؟ أنا عايز شاحطب !

أحمد عادل علي
شارك هذا المقال:

إسمع التراك ده وإنت بتقرآ الكلام .. وعيش التجربة !

إحنا لو إستمرينا كدا كمان 4 5 سنين اللى مبيعرفش يتكلم إنجليزى مش هيعرف يدخل ياكل فى أى مطعم!آه والله يا جعان، إيه النيلة السودا دى؟ كل المطاعم دلوقتى بقت بتتكلم English... و من إمتى بقى إسمه restaurant !! ما كان إسمه مطعم! بصراحة أنا وصلت لمرحلة من البرمجة

العصبية إنك لو قولتلى فى مطعم جديد هتقفل و مش هروحه.. ترسّخ فى ذهنى خلاص إنى مينفعش أروح غير restaurant! خلصت

يعنى هو الأكل لو إتسمّى بالعربى مش هيتاكل! فيها إيه لما يقولك بطاطس محمرة ولا جبنة زيادة بدل "إكسترا طشيز" اللى لا هو عارف ينطقها ولا اللى بيسمعوا فاهمها! إيه يا جدعان الكلام دا!

steak-626214_960_720.jpg

أنا شخصيا معنديش مشكلة مع فكرة غننا نفطر برة بس ليه لازم نقول "كنت باكل breakfast” مع أصحابى فى المعادى! و بردوا بحب البان كيكس و البيض بس مش لازم يقعد يقولى تحب ال “eggs” بتاع حضرتك إزاى.. “e-scrambled”  ولا “Sunnyside ub” !! إيه يا

حج ما تقولى مضروب ولا عيون.. و لازم يفزلكوها أكتر “hard medium soft” و لازم يقولها كلمة واحدة و عشان يعجزك.. و يبربش بعنيه و يلفها عشان أنت جاهل و مش فاهم .. ما تقولى ناشف ولا طرى ولا مؤاخذة فى الكلمتين يعنى! مش هتضايق خالص..

abstract-1238247_960_720.jpg

إستنى ثانية بقى.. الdelivery لان طبعا لو قلت توصيل المنازل هكون أيّااه جاهل و بيئة.. أولا التليفون مش أحسن حاجة الواحد يكون سامع فيها! و لازم يبرطم أى كلام إنجليزى بنطق غلط يحسسّك بمشاكل السمع و الشيخوخة اللى صابتك فى عز شبابك يا قلب أمك يابنى! و هو راخر

مسكين مش بإيده لازم يمشى على الscript ! مالها كلمة طلب ليه order  و فيها إيه لو قلتله كبيرة بدل large ليه لازم يعيدها و يقولى "large يعنى؟" ده عشان كبيرة مبتوصلش نفس المعنى كلمة ركيكة فى المعجم! و ليه بيقولى “desert” فى الآخر !! والنعمة لو قلى تحب تحلّى

هيفتح نفسى أكتر بدل ما بيقفلنى ب dessert اللى بيقولها غلط!

cupcake-252805_960_720.jpg

ما نتمسك بهويتنا شوية بدل ما بقينا مش باينلنا كدا! أبسط حاجة، لغتنا فى الأماكن العامة. فى ناس بيطلع منها كلام إنجليزى كتير بس عشان بيوصل معانى متعلمتهاش بالعربى، ده ميخليهُمش بشر أحسن منك. يا ريت نتمسك بهويتنا شوية.