20 نصيحة نفسية وجسدية تخلي الستات تحبك أكتر

د/ وفاء شلبي
شارك هذا المقال:

فى سمات يجب إنها تكون موجودة فيك كراجل عشان تكون جذاب للجنس الآخر واللى ليها علاقة شوية "بلغة الجسد" وتعاملك المباشر مع اللى قدامك :

1- معظم الستات بتفهم فى الإتيكيت من غير ماتتعلمه مهما كانت طبقتها الإجتماعية ده غير انها بتاخد بالها من التفاصيل فإذا دخلت أى مكان هى موجودة فيه محنى الظهر وباصص فى الأرض هتبان ضعيف ومش واثق من نفسك ولكن اذا دخلت فارد ضهرك و وضع جسمك مستقيم وبتبص بإتجاهها ومبتسم هتبان واثق من نفسك وعندك شخصية.

2- وإنت بتقعد على الكرسى إذا هبدت نفسك عليه هتبان انك شخص عشوائى لكن لو قعدت بالراحة هتبان انك شخص مهندم فى تصرفاتك.

3- الستات دايما بيعجبها الراجل اللى جسمه رياضى بكتفين عريضين و جسمه عضلى عشان كده حاول دايما يكون جسمك رياضى ومن غير كرش وإذا ماكنش عشان تبقى جذاب للستات يبقى عشان صحتك.

henedddie01.jpg

4- متحاولش تصبغ شعرك الأبيض عشان أغلب الستات بتحب الراجل اللى يعتز بسنه وبتحس انه اكثر جاذبية.

5- لو كنت قصير بس واثق من نفسك هتبان طويل عشان الفكرة فى الثقة بالنفس مش فى الشكل.

6- مش مهم تلبس لبس غالى عشان تعجب الست المهم يكون متناسق ونضيف ومكوى وعلى الموضة ومناسب لسنك ودايما حاول تستعين بأخت أو قريبة أو صديقة ذوقها حلو تكون معاك وانت بتختار لبسك عشان هاتكون عارفة ذوق الستات.

free-1641464980826764896.jpg

7- اكيد مش هنتكلم على النظافة الشخصية زى الإستحمام و إنك تقص ضوافرك (كلها )ودايما تحافظ على نضافتهم او انك تواظب على مزيل العرق او تغسل دايما سنانك لأنها من البديهيات.

8- اقعد القعدة اللى تريحك لكن ممنوع منعا باتا تقعد عامل رجلك كروس (علامة إكس)لأنها اذا ماكنتش هتقفل التواصل الجيد بينك وبينها فهى كمان طريقة جلوس غير راقية نهائيا.

9- وانت بتتكلم حاول دايما تكون فاتح راحة إيديك ودراعك لأن الإيماءة دى بتدى شعور حدسى للست اللى قدامك إنك بتقول الحقيقة .

getImage.jpg

10- خليك مبتسم بشكل يبين سنانك عشان ابتسامتك تبان حقيقية ومتبقاش مزيفة.

11- تقليد لغة جسد الطرف الآخر مهمه جدا وانت بتتكلم لأنها بتخلق اجواء طيبة للحديث.

12- هايكون افضل لو بقى فى اتصال قوى بالعين وانت بتتكلم لأن النظرة الودية الطويلة بتولد مشاعر حميمية.

aser-590x295.jpg

13- وانت بتتكلم معاها اتحول بزاوية جسمك بإتجاهها ووجه قدمك ناحيتها لأن ده هايجذب إنتباهها ودايما خلى نبرة صوتك عميقة وهادية.

14- دايما تستخدم الدعابة وانت بتتحاور فى اى موضوع لأنها وسيلة إقناع جيدة ولأن الستات بينجذبوا دايما للراجل اللى بيخليهم يبتسموا على شرط انها ماتكونش دعابة مفتعلة.

15- دايما تحاول تظهر قوتك وثرائك ومنزلتك المرموقة او مميزاتك بشكل عام ولكن مش بشكل مبالغ فيه لأن لو زاد عن حده هاينقلب لضده وهاتقول عليك محدث نعمة.

544247bbc5327.jpg

16- (الصدق منجى) وعشان كده بلاش تفتكس اى موهبة مش موجودة فيك او تعيش بشخصية حد غيرك عشان مسيرها هاتعرف انك كداب وهايبقى شكلك وحش ده غير ان الست بتحب الراجل (الحقيقى) الصريح حتى لو كان مميزاته قليلة.

17- متحاولش انك توافق على اى حاجة تقولها عشان تكسبها لأنها هاتفتكرك بتاخدها على قد عقلها ولاترفض اى حاجه تقولها لأنها هاتحس انك مستبد أوبتسخف من ارائها يبقى زى ماقلت قبل كده (الصدق منجى) خليك صريح و واثق من رأيك سواء هتأيدها أو تعارضها لأنك هاتديها انطباع انك شخض مؤكد لذاتك.

18- متحاولش تتعامل بتعالى او تتكلم بغرور عن حد قدامها عشان الستات ذكية وهاتفهم انك مسيرك تعاملها بنفس الطريقة .

Helm-EL-omr_2.jpg

19- حاول دايما تقرأ وتطلع على كل جديد عشان ثقافتك تزيد وتعرف تفتح مواضيع وانت بتتكلم عشان الست بتحب الراجل اللى يبدأ هو ويفتح أى موضوع .

20- إسمعلها حتى لو رغاية .. سيبها تحس بمساحة راحة معاك ... ومتبصش فى الساعة أو الموبايل وإنت معاها

oreed-3.jpg