الموقع الأزرق إتقفل يا رجااالة !

أحمد صلاح

صدمة كبيرة وبالأخص علينا كشباب لما نعرف ان "الموقع الازرق" اتقفل !! ..

وفعلاً الخبر أكيييد .. ويمكن الشباب الصغير مش هيقدر حجم خطورة خبر زى ده لان مايعرفش اننا ازاى ومن فتره كبيرة جدا مرتبطيين بالموقع الازرق ده ارتباط كبيير وبقه أسلوب حياة فى حياتنا كلنا ولازم من أسبوع للتانى ندخل عليه علشان بس نشوف ايه الجديد فيه ..

237973.jpg

تعالو نعرف الناس الى مش عارفه الموقع الازرق واققولكم ايه البديل والى هيبسطك برده اوى وهتلاقى اقوى الافلام فيه

"الموقع الأزرق " الى بتكلم عنه هو أقدم وأكبر موقع تورنت على الانترنت والى بندخل عليه torrentz.eu عشان نحمل احدث الافلام الاجنبية وبصورة اتش دى كمان ده وكان اسمه

كان فيه موقعين كبار واحد أخضر وواحد أزرق .. ودي مسميات شعبية ليهم 

وده كان شكله

1.png

الموقع ده من أقدم المواقع الى بتحمل الافلام بطريقة التورنت وهيا اقدم طرق التحميل على الانترنت والى كانت بتمتاز بسهوله التحميل واستكمال التحميل فى اى وقت لو الانترنت فصل مش زى اللينكات الى انته بتحملها دلوقتى من مواقع الرفع زى ميديا فاير , وميجا اب لود وغيرها .. والى كلها

لازم بيكون التحميل سرعته بطيئة لو هاتحمل الملف بشكل مجانى

وكان اهم حاه بتميز الموقع انه كان عباره عن محرك بحث كبير عن ملفات التورنت الى فى باقى المواقع

مخترع التورنت هوه برايم كوهين واعتمد فى اسلوب التحميل بان كل مايزيد عدد الناس الى بتحمل ملف كل مايزيد سرعة التحميل وده الى فضل التورنت عن باقى مواقع التحميل

ده غير ان دايما كان احدث الافلام الاجنبية والى بتتعرض فى السينما كانت بتبقى موجوده عليه ويمكن هوه دا سبب غلق الموقع من السلطات الأمريكية ومسح كل محتوياته لان انته كنت بتقدر تحمل اى فيلم بدون اى حقوق ملكية وده بالتاكيد كان بيعمل خسائر فادحه لصناع الافلام دى

hqdefault.jpg

ودى ماكنتش أول ضربه من السلطات الامريكية علشان يقضوا على التورنت لأن من اسبوعين برده لو انت كنت متابع قفلوا موقع "كيك اس " وهوه كان برده من المواقع الكبيرة جدا

وقبضوا على صاحب الموقع فى بولندا وهو اوكرانى الجنسية واسمه ارتيم فوليم وحاليا هوه متهم ببيع حقوق فكرية باكثر من مليار دولار

والموقع كان بيدخله يوميا اكثر من 50 مليون زاير ووصل الموقع لرقم 69 كأكتر موقع بيتم زيارته على شبكة الانترنت وكتير من الاحصائيات بتقول ان الموقع كان ربحه شهريا 20 مليون دولار ...

طيب هانعمل ايه بعد اغلاق اكبر موقعين فى عالم التورنت ؟؟ هل فيه بدائل ؟؟

ايوه فيه اكيد بدائل وتعالو اققولكم علي أهم المواقع دى :

The pirate bay
الموقع حديث مقارنة بين موقع كيك اس و تورنتز ولكن حقق نجاح كبير خلال اخر 5 سنوات و السيرفرات مميزة

unnamed.jpg


Extra torrent
سهل فى التعامل ويمتاز بانه على نطاق دوت كوم

unnamed-1-.jpg

Rarbg
من المواقع الجديدة وبعيد عن عيون السلطات وده بيديه حماية كبيرة لانه مالوش شعبية كبيرة

unnamed-2-.jpg

Eztv
الموقع متخصص اكتر فى برامج التلفزيون مش الافلام

kkk.png

وربنا يستر وتفضل مواقع التورنت موجوده لان فعلا دى اسهل طريقة للتحميل واتعودنا عليها من زمااااااااااان 

تعالى هنا : لو كنت من الاول داخل وفاكر إننا هنتكلم عن الموقع الأزرق إياه .. فنحب نقولك إنه هو كمان بيواجه إحتمالية الإغلاق لأنه بيستعمل مواد مش من حقه عرضها ... يااشقي 


شارك هذا المقال: