بسبب البلاك فرايداى ..البخيل بقا أغنى واحد فى العالم

أحمد صلاح

تخفيضات الجمعه السودا اللى كانت يوم 24 اللى فات هي اللى خلت جيف بيزوس مالك شركه امازون دوت كوم اغنى راجل فى العالم بعد ما زاح بيل جيتس من المركز الاول اللى كان مستحوز عليه سنين كتيره فاتت ..

بسبب المبيعات فى موقع امازون اللى زادت بنسبه 14 % عن السنه اللى فاتت خلت سهم الشركه يرتفع 2.6% وبالتالى ثروته زادت بحوالى 3 مليار دولار .. وبكده تكون اجمالى ثروته 100.3 مليار دولار ودى اول ثروه فرد فى العالم تتكون من 12 رقم

llll.png

وكل المهتمين بثروات الاغنياء دايما بيحبوا يعرفوا هما الثوره دى بيستثمروها فى ايه ؟؟

تعالو نشوف بيستثمر فلوسه فين

الاراضى
معروف عن جيف انه من محبى الاستثمار فى الاراضى وبيعتبر من اكبر 25 مستثمر فى الاراضى على مستوى العالم واكبر ممتلكاته مزرعه فان هورن فى ولايه تكساس بمساحه 30 الف فدان

الصحافه
يمتلك جيف جرنال " واشنطن بوست "

627Washington-Post.jpg

العقارات
بيحب يشترى القصور الفاخره فى امريكا وخاصه فى حى كالورما حى الاغنياء فى واشنطن

شركه صواريخ
مساهم ب 3 مليار دولار فى شركه" بلو اورجين " اللى بتصنع الصواريخ ..

وعلى الرغم من كل الثروه اللى عند جيف دى بس فى ناس كتير بتعتبره بانه بخيل لانه مش بيصرف على الاعمال الخيريه زى مثلا بيل جيتس اللى بيخصص مبالغ كبير من ثروته فى الاعمال الخيريه واللى وصلت ل 28 مليار ومش بس كده كلنا فاكرين انه فى 2010 اعلن بتبرعه بنص ثروته لفقراء العالم فهل جيف بعد ماوصل بثروته ل100 مليار هيبدأ يصرف على الاعمال الخيريه ؟

881bbfd0-c699-493e-8eac-d707766cd721.jpg


شارك هذا المقال: