5 أسباب لإختيار عروسة زى "مارينا"..دي بتغسله رجله ياجدع!

فريق راجل. دوت كوم


طبعاً انتشرت صور الفرح المختلف ده بين العروسين مارينا ورومانى والناس كلها مابين مؤيد ومعارض لمشهد غسيل العروسة لرجل عريسها على الكوشة ، بس إحنا معشر الرجالة مفيش أحلى من كدة ولازم تختار عروسة زى " مارينا " الجميلة لعدة أسباب :

14021731_1031948660215780_3428385360459649366_n.png

1- مش هتتكسف أبداً تعبرلك عن حبها قدام حد بأى طريقة لأنها ببساطة شايفاك إنت الدنيا والمجتمع والناس والحياة وكل حاجة .. والراجل عايز إيه غير كدة ؟

2- فروض الطاعة واضحة يامعلم .. مش هنروح لمامتك الاسبوع ده .. حاضر ، مش هنخرج النهاردة ونتعشي اى حاجة فى البيت .. حاضر ، أنا هنزل مع اصحابي شوية وارجع .. ترجع بالسلامة .. لا هتلاقي بقا مصارعة ديوك مع كل كلمة ولا جدل وعكننة فارغة ... طاعة يابرنس !

3- هتكون ست بيت كويسة وتخليلك شقتك حلوة ومبهجة ونضيفة وأكلها لذيذ وطعمه حلو ولبسك مكوى ومغسول – إذا كان بتغسلك رجلك يامعلم- واحدة زى دى بتعمل أى حاجة علشان ترضي جوزها مش هتكسل تنضف وتقولك اصلي تعبانة النهاردة ، او تكسل تطبخ او تتحجج بأى حجة تانية .. اللى بتحب وتعمل الحركة دى قدام الناس تعمل اكتر منها من وراهم .

13934749_1031948650215781_9173377597273944273_n.png

4- هتهتم بمظهرها وشكلها وريحتها وأنوثتها ، بيقولوا ان اكتر ست ترضي غرور الراجل وفحولته هى اللى عارفة دماغه ، ودي مش عارفه دماغه بس دي معاها الكتالوج ! هو فيه حركة تخلى الراجل منفوخ فى ذات نفسه كدة وعنده شجاعة أسد قد مايحس بالسييطرة !

5- الزوجة المطيعة ام مثالية ، لا هتطلع عيالك معقدين ولا هتطلع عليهم عقدها ونرفزتها ولا البيت هيبقا مليان خناقات تأثر على نفسية العيال .. حياة مثالية يامعلم .. برنس .. باشا فى بيتك ..

582628361471192233.jpg

الحقيقة رومانى ومارينا طمعونا جداً .. وبقا حلم كل راجل مقبل على الجواز انه يلاقي واحدة زى مارينا ولكن يفضل الجواز برضو زى البطيخة .. يا تطلع قرعة ، يا تطلع مارينا !


شارك هذا المقال: